Твитологист – нова работна позиција
Сите кои се сомневаа во моќта и корисноста на Twitter, мислам дека постов ќе им ги сруши сите дилеми и сомнежи.
Имено, од денес одржување на Twitter профил станува официјална работна позиција со полно работно време. Сето ова го поттикна Pizza Hut, откако после 1 месец на девојката која што го одржува нивниот профил на Twitter и понуди работа со полно работно време како Твитологист.
Што е уште поинтересно Pizza Hut се обрати на Twitter корисниците за помош околу дефинирање на официјалниот назив на ова работно место. Сето тоа го изведе како натпревар кој траеше од 21 октомври до 30 ноември. За сето ова време се пишуваа предлози под тагот #pizzahuttitle и победничкиот предлог на @MissKateGordon и донесе бесплатна пица за цела година :).
Pizza Hut објави дека имало повеќе од 200 предлози меѓу кои како најкреативни, освен победничкиот нели, ги вбројува следниве: “Sultan of Sauce”, “Twitteroni”, “Champion of Cheese”, “Tweetza Chef”, “Tweety Pie”, “C Tweet O”, “Personal Pan Tweetza” и
“Social Media Delivery Driver”.
Освен важноста на новата работна позиција, тука би сакала да ја истакнам и важноста на целата идеја и кампања спроведена од Pizza Hut. Само за илустрација, тие имаат 22,897 “читатели” во моментов. Како што можете да забележите редовно твитаат и најголем број од нивните твитови се поддршка на нивните корисници/потрошувачи. Само за овој напревар се напишаа повеќе статии и се популаризираше неговата важност и пред се креативност.
Ако ја видите и нивната страница на Facebook, ќе забележите дека и тука не штедат воопшто време и внимание да го изведат тоа како што треба.
Ова е само еден од примерите како да ги искористите бесплатните алатки за промоција на вашиот бизнис. Имајте креативни идеи коишто ќе им се допаднат на вашите читатели и изберете го начинот преку кој ќе ги пренесете идеите до нив. Нема да ве чини пари, а ќе има резултати и најважно од се ќе ви биде забавно.
Нам ни останува да се надеваме дека ќе се отворораат се повеќе вакви работни места и дека ќе има професионални Твитологисти и во Македонија :). Па кој не би сакал да го работи тоа?
[...] This post was mentioned on Twitter by darko buldioski, Natalija. Natalija said: Твитологист – нова работна позиција – http://emarketing.komunikacii.net/tweetologist/ [...]
Хм… човек што се занимава со астрологија е астролог, не астрологист. Зошто тогаш да се мачам да читам твитологист, наместо твитолог ? Нормално, твитолог би бил некој што го проучува твитањто од научна гледна точка, додека твитач е обичен корисник.
Се на се, со евтино си направија добар маркетинг.
Се надевам дека ќе стигне и кај нас и дека ке биде официјализирано. Можеби официјалното име ќе биде Твитолог. Останува да чекаме и да видиме.
Пред некој ден видов пост на Твитер од еден корисник од Бугарија за оглас за работа, бараат Интернет маркетинг специјалист. Еден од условите за да може да аплицирате за работата е да имате минимум 250 корисници кои ве следат на Твитер.
Твитер брзо стана многу битен фактор кога станува збор за комуникација и продажба и се надевам дека компанииве во Македонија ќе го следат овој тренд.(веќе има неколку МК компании на Твитер)
A за професионални Твитологисти во Македонија ќе почекаме:)
Ги има и нив во МК, Стефан, само не работат само твитер цело време туку и FB и други SM активности :)
Да, ама тие не се занимаваат само со Твитер, затоа не се Твитологисти:).
Муабетот ми e некоја МК компанија да вработи некој што ќе работи Твитер фул тајм. А коа ќе видиш вака можда и не е толку неостварливо со оглед на тоа дека има ИТ компании од Македонија кои можат да го користат Твитер како ефективно средство за комуникација и продажба, посебно оние кои настапуваат на странски пазари.
Многу ме интересира како ќе изгледа огласот за работа:)
хммм, треба да се позанимава со овој twitter значи дефинитивно :-)
Коментирај!
Blogroll
Архива
Последни постови
Most Commented
Последни коментари