Social Media Day – работилница за Facebook и Twitter

Ова беше виралниот момент елемент од настанот :)

Денес во фина атмосфера и плава позадина со розеви лајкови помина првиот голем бизнис ориентиран локалне настан чија тема беа социјалните медуми. Настанот го најавив пред некој ден, а за некој ден веројатно ќе напишам и еден сумиран став. Но додека ги средам мислите и завршам дискусиите со луѓето со кои се сретнав во Александар Палас, во оој пост ја споделуваме нашата презентација.

@it.com.mk

Имено, во рамките на официјалната програма јас и Мите Кузевски зборувавме 58, наместо 45 минути на тема Facebook и Twitter. Во програмата нашиот дел го најавивме како работилница иако публиката не беше предвидено да работи нешто. Цел ни беше да ги издвоиме најважните работи кои треба да се знаат пред да се започне со активности на овие сервиси и да посочиме што може/треба да се очекува од нив на стратешко ниво.

Секако, максимално се трудевме да го направиме тоа преку примери. Знам дека не е комплетно употреблива сама за себе презентацијава но има многу слајдови а за добар дел од нив нема потреба од појаснување.

За оние чии твитови се објавени во презентацијата, ако некој не сака да го има, слободно нека ми пише, ќе го тргнам. Во секој случај, ептен ми се погоди ситуацијата за да вклучиме и малку локална активност, затоа што решивме да не употребуваме локални примери. Имаше реакции на твитер току за тоа, за отсуство на локални примери. Но, долго се мислевме и решивме дека е подобро да одиме со други. Дел од локалните примери седеа во публика, дел беа спонзори и сл. и можеше само да ја замрсиме атмосферата и да испратиме погрешни пораки.

За воља на вистината во текот на самиот настан си излегоа на површина некои работи и доста често се референцираше на нив. Овде мислам пред се на затоврените (а подоцна и отворени) твитови на @TMobileMK.