Маркетингот на социјалните медиуми бара 24/7 посветеност
Практика на блогов е да посочуваме добри и не толку добри работи од кои понатаму може да се извлече некоја корисна информација или да се препорача некој совет за тоа како треба, а како не треба да се работат работите на интернет. Често се обидуваме примерите да ги влечеме од локалниот пазар заради нивната актуелност и применливост. Токму еден таков пример се случи вчера. Главни актери беа Биљјана Пешевска (@biljana) и новиот МК веб старт-ап Колектива.
За да не ја раскажувам јас целата ситуација, се договорив Биљана, а подоцна и со претставник од Колектива да и го пренесат своето искуство со цел да се лоцираат пропустите и да се издискутираат начини за нивно надминување во иднина. Секако советите не важат само за оваа компанија туку и за сите други.
За жал, иако требаше до вчера вечер да добијам текст од Колектива, него уште го нема. Па затоа подолу е текстот (како гостински пост) испратен од Биљана. Ако во теков на денов стигне делот од Колектива со задоволство ќе го објавам како дополнување на овој пост, или како нов пост (ќе зависи од должината на истиот). Значи еве го искуството и препораките на Биљана:
Како изгледа тоа од страна на корисникот
Пред отприлика месец дена, практично истовремено стартуваа со работа две интернет страници за групно купување: Колектива и Групер. Како професионалец во областа на е-маркетинг не можев да одолеам да не ги следам двата бренда и на Фејсбук и на Твитер и да видам какви се нивните стратегии за употреба на социјалните медиуми и како ќе ги градат нивните брендови на овој пазар. Моите очекувања беа дека ќе видиме иновативен пристап кон користење на новите медиуми за промовирање на овој исклучително интересен концепт за интернет продажби кој најмногу зависи од виралното ширење на понудите. Но, она што јас, а богами и многу други го забележаа е дека нивното постоење особено на Фејсбук е сведено на спамирање на публиката…
Па, исфрустрирана од тој пристап, на мојот Фејсбук профил го објавив следното:
Но, наместо да го сфатат ова како сугестија за подобрување, Колектива решија да ме избришат од листата на нивни фанови и да ме блокираат (освен да читам, ништо друго не можам да направам) на нивната Фејсбук страница. За разлика од нив Групер, за кои искрено имав/м многу лошо мислење поради copy/paste концептот, само го избришаа mention-от од нивната страница.
Е тука веќе, почувствував морална одговорност да го споделам овој факт со Твитер заедницата, затоа што ниту еден е-маркетинг професионалец не смее да си дозволи да направи таква грешка – да избрише некого од листа на фанови и да го блокира заради непосакуван коментар?!
Што на ова Колектива имаше да каже? Скриншотите од твитовите на Колектива се од мојот Твитер клиент затоа што ги бришеа сите свои твитови од нашата конверзација. Веројатно мислеле дека нема да остане трага?!
Во моментот кога го прочитав ова мислев дека сме го достигнале врвот на непрофесионалното однесување, а искрено ми зазвуче и како закана, па го РТ и прашав дали е закана.
Мислев дека сонувам, мислев дека бладам, но одговорот беше следниот:
Excuse my French, ама WTF Колектива??? Па зарем воопшто можевте да помислите вакво нешто да напишете? Како мислите да градите бренд? Дали некогаш сте слушнале за пристојно однесување? Бон тон можеби?
Добив и Direct Message да се обратам кај одговорните во Колектива затоа што он “само бил Твитер администратор”, да се разбереме во што е проблемот. Секако, тоа немав и сè уште немам намера да го направам.
Еве ги коментарите и на некои други Твитерџии:
Одговорот на Колектива беше:
Очигледно освестени за тоа што го предизвикаа можам де претпоставам дека прв пат користат Твитер и се несвесни за моќта на Твитер заедницата, последно што напишаа беше:
Неколку совети за подобра комуникација
Единствено што остана во моментов да направам е да го искористам овој совршен пример за да споделам неколку бесплатни совети бидејќи очигледно нашите компании не знаат што подразбира користење на социјални медиуми за маркетинг цели (намерно генерализирам за да не ги нападнам директно Колектива, повторно :) Не им е тоа целта.
- Никогаш ама никогаш не смееш да влегуваш во директна расправија со потенцијален клиент затоа што не знаеш каква реакција можеш да предизвикаш. Word-of-mouth е најсилното оружје за градење на бренд. Зарем не?
- Кон целната публиката не треба да се однесуваш како кон второ одделенци. Второ одделенците ќе се закачат на конверзација, ама не се тие оние кои што ќе дадат пари, туку се само заинтересирани за она што можат да го добијат за без пари.
- Фејсбук страница не се користи за чет со фановите. Ги иритира оние кои во својот News Feed не гледаат ништо повеќе од статуси , линкови и наградни игри само на еден бренд. Има други успешни начини како тоа се прави. Следете ги светските примери.
Најискрено се надевам дека Колектива ќе го смени начинот на комуникација со публиката затоа што како концепт (само како концепт) е одличен, но ако продолжи ваквото однесување, следната година ова време ќе си викаме: “Ви текнува на оние Колектива?”
Дисклејмер (Биљана): Никако не сум поврзана ниту професионално ниту приватно со ниту една интернет страница за групно купување.
[...] This post was mentioned on Twitter by Biljana Pesevska, Sandra, Dejan Jankov, iskraiskric, Aleksandar Atanasov and others. Aleksandar Atanasov said: Маркетингот на социјалните медиуми бара 24/7 посветеност http://ow.ly/3HKw3 via @Biljana [...]
добронамерна критика.. за секого има различно значење изгледа.
Браво за текстот, верувам дека ќе им се најде на многу нови бизнис корисници. Одличен концепт на критиката.
"Criticism may not be agreeable, but it is necessary. It fulfils the same function as pain in the human body. It calls attention to an unhealthy state of things." You go Biba:)
Еве и моја реакција како "дел" од вчерашната дебата.. http://tiny.cc/nt515
ретко кој прифаќа критика, па макар и добронамерна… сепак, одлично сработено ;)
bogami biljana i tvojot prv komentar bil strasno profesionalen. Zar eden profesionalec kako tebe, samonarecen da kazam dozvolil da se isfrustrira. od nisto. Koga stana profesionalec – vcera li ?
plus op isto taka zaboraviv. kritikuvas za nacinot na izrazuvanje a ti i sakata koristis skratenici od tipot WTF ( what the fuck) znaci , tvojot recnnik e vulgaren. Tvojot profesionalizam povtorno e toa neli ?
Marijana zar i ti ? frustracione totale. c c c
решиш нема никаква фрустрација ??? Ја цитирам биљана – ''а, исфрустрирана од тој пристап, на мојот Фејсбук профил го објавив следното'':
ili sakala nesto drugo da kaze ???
a ti isgleda tolkav tekst si napisala od profesionalizmot tvoj neli ?
jas sum samo slucaen minuvac, koj ocigledno ne vi prija tuka da komentira ako ne se sofvaga so vaseto mislenje, zasto kako sto mozam da zabelzam gore vo navedenite prijatelski primeri si i ti.
No koga ke ja poglednes objektivno rabotata.
Ova e nisto vo sporedba so toa sto vie ja pumpate topkata.
Jas iskomentirav toa sto procitav nisto tuka ne izmisliv.
Macno mi e sto takvi kako tebe si zimaat za pravo da mislat deka se vo pravo.
Здраво Симон,
Тоа што јас го напишав е на мојот приватен профил, а колку што сум јас запознаена со правилата за користење на Фејсбук, таму можам да напишам што сакам. Зарем не?
А за мојата професионалност и искуство можеш да прочиташ повеќе на LinkedIn.
Уште еднаш ќе кажам дека секој има право на свое мислење, па затоа и јас ќе го почитувам твоето.
Инаку, јас прво се извинив, па го напишав фамозното WTF…
Кажи ми ти, дали тоа што мене ми го пишуваше Колектива му прилега на брендот кој сакаат да бидат?
vidi biljana, jas mislam deka premnogu e napumpana rabotata. no ti na tvojot profil iminjata na kolektiva i grupier ti se ocigledno kako linkovi koi direkno se povrzuvaat so stranata na fejsbuk, ako ne se lazam. taka da toa se pojavuva i na nivniot profil odnosno zid. sepak ti ne ti go napisala samo tvoite priateli da go vidat tuku i clenovite na nivnite strani. zar ne ?
@Симон ти си го кажа своето мислење па почитувај го и моето.. јас не ти судам на твојот професионализам да го напаѓаш моето мислење без аргументи..очигледно не си ја разбрал мојата реакција доволно добро.. јас не судам на никој и барам и др да се однесуваат со мене така.. толку од мене..
Jasno. Pocit.
Здраво Симон,
Јас го ставив тагот за моите пријатели да видат за кого јас зборувам. Реакцијата на Групер беше многу посоодветна т.е. само го избришаа тагот од нивната страница.
Значи најискрено немав намера ништо повеќе да направам од тоа што го твитнав. Но, по твитот на Колектива, бев запрепастена. И затоа работата излезе како што излезе. Зарем не можеа да напишат на пр: "Здраво, баш ни е криво за настанатиот проблем. Активно работиме на подобрување и секоја препорака е добредојдена."
Секој професионалец би изреагирал вака, не би влегол во понатамошна расправија со навреди и сексистички изјави!
ne mislam zlonamerno, no sepak napisav kako mislam. Ama jas tuka ne gledam nikakva navreda zakana ili slicno koj go narusuva tvojot ugled ili slicno. Na krajot od nivniot prv komentar oni ti posakale ti da bides spokojna i mirna i da imas prijaten den. a ti toa si go protolkuvala kako zakana za koja nema osnova. Mene mi izgleda iskreno nesakam da te navredam no sepak lici na toa deka ti si sakala sevo ova da se sluci. Kako vasiot razgovor idel momcite od koletiva se povlekuvale a ti si napagala. Samo sto go poglednav tvoeto CV i sum iznenaden na ovie tvoi igri. Za kolektiva neznam mnogu, zasto seuste ne se ocigledno pocnati, no ti so takvo renome najiskreno ne e dolicno da vodis bitka pd tipot vo koja pobednikot ne e vazen tuku e vazno da se kaze deka se vodela pomegu tebe i nekoja firma vo koletiva. Zar go opipuivas svojot kvalitet i moznosti kolku mozes da odis do kraj protiv nova kompanija.
Jas za kraj mislam deka na sekoj biznis treba da mu se dade sansa vo Makedonija,i takvi kako tebe da gledaat sorabotka so niv i dokazuvanje na svoerto pole, odkolku prepiranje.
Se povlekuvam, so sreka za ponataka.
Почитувана Билјана бидејки се изнарасфрлавте со моите лични податоци пратени најдобронамерно во приватна порака а мешате и спомнувавте фирми постојано, неможам а да не ве прашам едно прашање:
Kако ќе реагиравте како истакнат професионалец на ист пост од моја страна поставен на ФБ страната на вашата фирма, притоа постот или забелешката да е затворена ?!? Истите да се со конотација која е против вашата деловна политика и востановени правила…
Или пак дали ќе ја имав честа вашиот непосредно надреден да ми одговори со телефон и покана за кафе . Инаку малку за идејата најпрвин беше понудена на најголемата издавачка куќа па на најголемата софтверска фирма во Македонија, одговорот беше како да им ги собереме парите, жалосно…
п.с. Сепак понудата за кафе останува…
Здраво Симон,
Значи вака, да ги разграничиме работите. Да не мешаме приватно и професионално. Јас зборувам за моето корисничко искуство со Колектива, а крајот на постот е моето професионално мислење и совети.
И воопшто не е игра ниту пак битка… Стварно немам намера со никого да се борам, само сакав да укажам како некои работи не треба да функционираат.
На крајот на краиштата не станува збор само за мене, доколку користиш Твитер ќе видиш дека многу луѓе се најдоа повикани да одговорат на недоличните коментари.
Навистина мислам дека нема потреба понатаму да навлегуваме во ова. Како што веќе заклучивме секој има право на свое мислење.
@kosturski Napadot e najdobra odbrana, ama ne mozete da go izbrisete napravenoto (iako ste se potrudile). Samo gledajte da naucite od greskata :)
Некако расправијава се префрлила во пожестока. Штета така да се решаваат работите кај нас.
Сепак сум за тоа дека посебно компаниите треба да внимаваат како се изразуваат и како разговараат со потенцијални потрошувачи зошто сепак на крајот потрошувачот е секогаш во право :)
Ветувам Снеже од идната недела ќе го поставам за Case study во мрежата.
Здраво Ванчо,
Постот не беше ставен на страницата на Колектива туку на мојот личен профил со таг за Колектива и Групер. Затоа никој освен моите пријатели не можеше да коментира. Мене немаше да ми смета доколку како Групер едноставно го тргневте тагот од вашата страница… Јас го земам за неприфталив фактот дека вие мене ме избришавте од фанови и ме блокиравте. Не дека мене лично сте ми го направиле тоа, туку едноставно се коси со сите принципи. А уште повеќе беше неприфатливо однесувањето кое следеше на Твитер.
Ќе се повторам, среќна бев кога Колектива почна со работа (многу повеќе ја почитував од Групер) затоа што конечно почнува да функционира интернет бизнисот во Македонија. Идејата е одлична, но искрено стварно не ме интересира на кого била понудена прво. Вие сте добиле лиценца (или што и да е) и вие треба тоа професионално да го одработите.
И само да нагласам дека мојата реакција не беше единствена. Да беше, немаше воопшто да постои овој пост. Едноставно, не можеше да остане така како што беше.
Се надевам дека во иднина ќе работите многу успешно и дека ваквите ситуации никогаш нема да се повторат. Жал ми е што баш Колектива се најде во оваа ситуација, иако има многу кои што работат далеку послабо од вас. Но, очекувањата од вас се па далеку поголеми од останатите.
Поздрав,
Биљана
Искрено се надевав дека ќе успее во дискусијава да се избегнат директни лични напади и непотребни препукувања. Затоа и малку се потрудив во воведот да ја генералзирам целава ситуација затоа што (повторувам) причината заради која темава се најде на блогов е да да ја продискутираме потребата од квалитетно работење на Интернет. Но очигледно не сум успеал.
@biljana факт е дека Колектива изреагирале несоодветно. Но исто така факт е дека (искрено) немаше и баш толку многу голема реакција на твитер и сл. Зборувам за вчера. Ни од далеку не велам дека не се релевантни твитовите кои се горе наведени, но сепак не беше целата ситуација толкму многу актуелна.
Свесен бев дека со постов ќе се продолжи нејзината актуелност што секако не е лоша работа, но (пак повторувам) не беше целта да се продолжи препукувањето.
@kosturski некои од вашите аргументи се валидни. Но тие дефинитивно не беа искомуницирани на соодветен начин. Ако посочевте на вашата политика за користење на вашата FB страница (што смее што не смее) ќе беше многу појасно. Ако не си ги бришевте твитовите туку се обидевте да појасните дека ништо лошо не сте мислеле, ќе беше појасно.
Не го направивте тоа и продолживте да генерирате негативен ефект кај оние кои првично ви замерија. Наместо тоа можеше да погледнете некој пример (а ги има и локални) како се постапува во таква ситуација и да ги превртите „хејтерите” во почитувачи на брендот. А тоа дефинитивно не се прави на кафе затоа што ако било за на кафе Биљана ќе ви дојдела во канцеларија и ќе ви го кажела тоа. Таа го кажала тоа јавно и јавно тоа се решава.
И сега сфатив колку е глуп системов за коментирање :) не дозволува долги коментари :((
За жал некои пораки погрешно се разбираат, а за потрошувачот е секогаш во право имаш деведесетидеветистодвакомапетпосто право. Потрошувачот е мојот газда.
Ми падна маската ЈPG или што и да е од блогов :) . Ептен не прати беља :)
Само бев искрен Ивана , вчера бевме во RedAlert. Упади во администраторски ФБ акаунти … Стопански криминал за нашите ни пријатели кои не уценуваа со домеини ..итн итн. Затоа реков од почеток кафе
Како што знаеш апсолутно не ми беше целта да се препукувам со никого на постов, туку едноставно да го споделам моето КОРИСНИЧКО искуство, и како е-маркетинг професионалец да дадам неколку насоки и совети за тоа што (не) треба да се прави.
Во секој случај благодарност за остапениот простор. :-)
Јас како така ќе успеам да пијам кафе ;)…
Позз
Костурски
Бламажа од двете страни! А сте отвориле да видите колку критики дневно има на MaxTV страната на Facebook? Истите не се ни бришат, а не се ни коментираат од страна на администраторот (кој и да е) па да се разгоруваат страсти ко сите вие тука сега! Ќе си се испокараат луѓето меѓусебно: кој сакал Пинк, кој некој спортски канал, на кој му паднала конекцијата зашто живее во Кондово (пример) и никому ништо… Наредниот ден пак ќе има 100 like-ови за full HD (или каков и да е) пренос на светското првенство! :)
Илина,
Не ми беше цел да се карам со никого. Ќе се повторам по не знам кој пат дека го пренесував моето корисничко искуство со неколку сугестии за подобрување. А тоа, што во некои од коментарите луѓето се најдоа повикани да искоментираат е нивно право.
И уште еднаш, тоа што се случи на Фејсбук не беше причина за овој пост туку однесувањето кое следеше на Твитер.
Што и да кажам повеќе ќе биде повторување на се до сега кажано, затоа најискрено ќе прекинам тука, и уште еднаш ќе им посакам среќа на Колектива во понатамошната работа.
Поздрав,
Биљана
Иако сум тотално згрозена од пристапот на Колектива, за жал не можам да кажам дека се само тие виновни. Нивната Facebook страница има повеќе од 25.000 следбеници, Twitter профилот повеќе од 400 следбеници…Се додека има луѓе што ќе го прифаќаат ваквиот начин на комуникација и кои се ок со тоа да бидат нарекувани бејбс од страна на една компанија, ќе си продолжи таквиот однос од страна на Колектива (или било која др слична компанија) без разлика на многуте добронамерни совети од сите страни.
Според мене во Македонија е потребно поставување на мнооооогу повиски стандарди за фунцкионирање на компаниите на социјалните мрежи, само така ќе може да се избега од ваквите ужасни кориснички искуства.
[...] Ќе го спомнам скорашниот пример со Kolektiva и пример од кој може да научат фирмите како НЕ треба. [...]
немој да мешаш твој приватен профил со професионалност. Тие се администратори на својата страна и тие ќе одлучат како ќе си ја водат својата политика ( ти текнува бели и црни листи од корисници… ). Башка ако беше професионалец ќе знаеше како да им укажеш, одговориш дури и да заработиш од нив. Вака гледам си добила еден прекрасен "ban" / "delete" после твој "напад" на нив!
наместо да се расправате кликајте лајк! ;-)
Kritikata ragja kvalitet… Samo onoj koj ke ja prepoznae kako takva! Zalam za onie sto ne umeat da ja prepoznaat!:(
Коментирај!
Blogroll
Архива
Последни постови
Most Commented
Последни коментари