Неколку локални прашања во врска со SEO
Сподели
Не сум програмер, кодер, дивелопер или сл. јас сум напреден корисник кој се обидува да ја држи онаа семантичката, или подобро речено човечка страна кога се зборува за оптимизација на веб страниците. Преку WP научив некои рабори за SEO, но најмногу научив преку самата интеракција на корисниците/посетителите на блоговите и сајтовите до кои имам пристап. Ај за моите (чат-пат) докажани „херојски способности”, друг пат :).
Да ги отворам прашањава за да не биде насловот нерелевантен.
- Колку како сопствник на веб сајт со македонска содржина посветувате вниамние на SEO и зошто? Ви носи посети? Сајтот изгледа поубаво? Помага во навигација? Посетителите се задржуваат подолго? Да, знам сега ќе пише некој сите горенаведени и плус уште најмалку 10 други. Ама не ми е тоа целта, целта ми е да продискутирам што најмногу мотвира да се инвестираат ресусрси во SEO.
- Колку како посетител на веб сајт со македонска содржина ви е важно SEO? Дали воопшто внимавате на тоа? Дали се невирате кога не можете да зачувате линк со соодветен опис на delicous.com на пример, или кога сакате да го споделите на Facebook па описот е само линк без наслов слика и сл.
- Колку посети воопшто ви доаѓаат на сајт како резултата на пребарувања кои се надвор од разните варијнти на самото име (домен) на сајтот? Дали процентот е задоволителен и ве мотивира да вложите повеќе напор?
- Како гледате на конкуренцијата? Се натпреварувате ли за некои клучни зборови? Следите ли на кој зборови каде се појавува вашиот сајт? Колку ви претставува предизвик да истуркате некој од местото во резулатите што е над вас?
Доста се прашања. Многу се широки и општи, ама ретко наоѓам квалитетна дискусија на темиве, а уште поретко наѓам добро оптимизиран сајт. Секоја чест на исклучоцте, нели :)
Епа, коментарите се отворени… доста читаме совети како да направите SEO во Американски услови. Македонскиот пазар е со свои карактеристики, и мора да си формулира и свои правила. Но, кои се тие локални правила?
No related posts.
Ми се свиѓа твојов пост искрено. Лично мене многу ми значи SEO,искрено лани ова време немав појма што е тоа и немав појма што е тоа WordPress , социјална мрежа и сл.
Денес поточно од Март месец, го поседувам http://www.zlatenzanaet.com/ ЗлатенЗанает блогот KOJ е го изработувам со Wоordpress, и имам инсталирано плагин All in One SEO pack. Многуу корисна алатка, така што моите 118 постови ми се толку убаво средени со | наслов, опис и кључни зборови| кога ги делам на FB кејф ми се прави што после paste на линкот и attach си ја избирам сликата, ми се гледа насловот на постот, ми се гледа описот. Лани ова време имав голема желба да кога ќе пишам на google на кирилица интериор дизајн да бидам меѓу првите и “СУM” . ИСТОТАКА И за термините | detska soba| |kujni| и останати кључни зборови мои.
Повели посетете го ЗлатенЗанает.
ТОПЛО ГО ПОЗДРАВУВАМ ТВОЈОТ БЛОГ
http://www.zlatenzanaet.com/
Горан благодарам за коментарот. Искрено мислам дека сум налетал на твојот блог, ама пошто не ми е тема од личен интерес не сум го посетувал редовно. А можеби и треба, има што да се чита :)
Баш е супер кога ќе може за релативно кратко време човек да ја постигне целта како ти.
Со WP може да се постигне многу, низ годиниве добро го научив тоа. All in One SEO е одличен, ама има и други работи кои треба да се средат за да има уште подобра оптимизација. Здравје може ова и за друг пат да го оставиме :)
Блогов е нов, и има за цел да привлече и отвори токму вакви дискусии. Искрено ти благодарам уште еднаш. Се надевам дека и во иднина ќе го посетуваш и ќе ја помогнеш дискусијата.
За во иднина третирај ме како твој редовен читател на овој блог.
|клик на Rss па на google reader и на крај јас со моето лаптопче читајќи го emarketing со шоља кафенце| ;)
Го поздравувам уште еднаш |ЕМАРКЕТИНГ|
Би додала тука уште едно прашање: колку сме спремни да прифатиме критика/совет во врска со оптимизацијата на нашата страница/блог?
Многу често налетувам на негативен став кога ќе се обидам да укажам на грешките и да посоветувам како тоа би требало да се направи. Дури и од луѓето што знаат колку е SEO важно и кои предности ги носи со себе, слушам коментари од типот “во Македонија е безполезно да се троши време и внимание”, “компаниите не сакаат да инвестираат” и сл.
Да тргнеме прво од луѓето кои што го имаат знаењето и коишто мора да го применат. Мислам дека самите тие не се доволно мотивирани за да можат да ја пренесат мотивацијата на останатите. Што е она што нив ги спречува да бидат ентузијасти и да ги мрднат работите од мртва точка?
hrana.com.mk е целосно изработен на BrickBox платформа која е македонски производ изработен во SDC-Software. Целиот BrickBox е направен да биде SEO и особено е наменет за Google Crawler-ите.
Според мене најбитно е да биде сајтот оптимизиран и да се вчитува брзо. Јас искрено се исклучувам веднаш од сајтови каде што ми е потребно пола минута за да ми се вчитаат првичните податоци на сајтот. Доколку знам дека таму треба да очекувам некое видео или голема (по тежина) слика е ОК ама ако станува збор за информативен портал или блог, нема шанса да чекам повеќе од 10 – 20 сек. за вчитување на сајтот.
Браво уште еднаш за блогот, и овие прашања кои се однесуваат на за SEO и Web optimization мислам дека се најбитни за било кој сајт, па сите сопственици на познати мкд сајтови што одат со глава во ѕид и ги избегнуваат овие две теми по некое време ќе ја изгубат популарноста на своите сајтови.
Поздрав, се надевам на повеќе коментари.
Убава тема заопчнавте.
Фала Димитар за коментарот. Она што мислам дека е најважно е дека мора да се разбере дека самиот процес на SЕО не е насочен само за роботите на пребарувачите и подобар ранг во резултатите, туку дека оптимизацјата игра голема улога баш во оној домен, кога ќе дојде читателот па што понатаму. Колку ленсо ќе се снајде, колку брзо ќе си отиде и сл.
Не знаев за hrana.com.mk дека е на CMS made in macedonia. честитки.
И фала за пофалбата, еве ветуваме, ќе ги отвараме темите. Имаме и ние (јас и Нате – авторите на блогов) а и другите што да споделат :)
Според мене, најбитно е
1. Семантиката на сајтот (HTML структурата)
2. Оптимизацијата на сајтот:
– скрипти најдоле во HTML и да се гледа во што помал број на фајлови да бидат
– минифицирани (кај може) javascript-и
– sprite на сликичките да се намалат HTTP request-ите
– css во еден фајл
3. Friendly URL и да соодвествува со TITLE-от и H1 тагот на страната
4. Title -ot на страната да соодвествува со h1 тагот на страната
5. Да нема повеќе од 1 h1 таг на страната
6. META Description да биде исто што и Title-ot на страната и содржината во h1 тагот
7. META Keywords може но и немора
Верувам дека сите тука што го читате блогов ви е и те како јасно ова, ама еве сепак за тие што не ги знаеле овие работи нека ги има во пост вака :)
Ова е околу оптимизација + да биде добра структурата за роботите на пребарувачите.
И што би рекле од Google, ако сакаш сајтот да ти биде познат online мора да вложиш во offline маркетинг :)
п.с. Како да си ставам сликичка тука :)
Блогов поддржува Gravatar.com сликичките со појавуаат преку тој систем.
Фина е листава горе. Она што јас го гледам како локален предизвик, меѓу другите работи, секако е 3. Friendly URL и да соодвествува со TITLE-от и H1 тагот на страната
Која е препораката за friendly URL? Јас често мешам, де мк на латиница, де англсики, де кирилица. :)
Во врска со сликичката.
На мојот прв коментар не се гледа, но на вториот коментар се гледа!
На вториот ком.го ставив мејлот со кој сум регистриран на Wordpress.
Поздрав.
Искрено и јас на почеток бев во дилема околу тоа дали кирилично да ги правиме линковите или не. Сепак одлучивме дека покрај името на рецепт или категорија ке си внесуваме „пешки“ и едно поле во база што се вика url_name и така сега имаме политка на сајтот за секој наслов да се внесува и latinica url name.
Од неколку претходно искуства можам слободно да ти кажам дека url-to е најдобро да биде на латиница и празните места да бидат заменети со “-” или “+”.
90% од Crawler-ите ги гледаат како одвоени зборови ако се вака напишани. Голем дел од нив “_” (долна црта) не ја препознаваат како delimiter.
Според тоа сигурно ќе кажеш како тогаш h1 да го содржи URL-то кога веќе url-to е на латиница.
Затоа во TITLE ќе си поставиш и покрај кирилица title и на latinica истото..
Пример:
УРЛ: http://www.hrana.com.mk/recepti/Tikvicki-so-jajca.html
H1: Тиквички со јајца
Тиквички со јајца | Tikvicki-so-jajca | hrana .com .mk
Со овие податоци за страната, секој од CRAWLER-ите сигурно знае дека страната се однесува на Тиквички па затоа и на Google кога ќе напишеш „тиквички“ ќе најдеш во првите 2-3 страни резултати од hrana.com.mk
Истото треба да се прави за било кој блог кој има конкретни теми на секоја од страните.
Се заборавив и ставив tag-ови во погорниот пост.
Значи целосно примерот е ваков:
Пример:
УРЛ: http://www.hrana.com.mk/recepti/Tikvicki-so-jajca.html
H1: Тиквички со јајца
Title: Тиквички со јајца | Tikvicki-so-jajca | hrana .com .mk
Meta Description: Тиквички со јајца.
Се прави, се прави :) освен ако не правиш грешки во куцање како ја па да оставиш seo-makedonij :))
[...] This post was mentioned on Twitter by Никола Бојков, Daniel. Daniel said: RT: @Natalija: Неколку локални прашања во врска со SEO – http://bit.ly/17yzkf [...]
bi sakal samo da dodadam i jas zbor dva vo vrska so SEO. Vo Makedonija, toa e seushte daleku od toa vistinskoto SEO koe se koristi vo Severna Amerika, jas rabotam na takvi proekti, i veruvajte deka mnogu se investira vo toa, a posebno koga ke mu napravis nekoja dobra prikazna na nekoj Amerikanec koj vrska nema so SEO, i ke mu kazesh deka negoviot biznis ke stigne mnogu brzo na broj 1 na google za nekolku keywords povrzani so negoviot biznis. Kako shto mozev da vidam pogore, Dimitar napishal, citiram “META Description да биде исто што и Title-ot на страната и содржината во h1 тагот”. Toa e mnogu netochno, descriptionot treba da bide neshto shto ke ja opishuva stranata, najmnogu do 50 – 60 bukvi, i treba da bide razlicno od title-ot, zatoa shto koga google crawlers ke pominuvat na stranata, ako zabelezat deka ima duplikat tekst na stranata, ne se dobiva nikakvi poeni za odenje nagore. Plus, ushte edna rabota koja tuka ne e spomnata, toa e Links Directory, odnosno treba da se ima nekolku stranici kade shto ke se stavaat linkovi do drugi stranici, a isto taka tie ljuge ke stavat link do tvojata strana. Ushte podobro e ako se stavi nekoj vnatreshen link, shto znaci ne prvata strana, tuku nekoja podlaboko, shto pridonesuva za podobro rangiranje so tek na vremeto.
Pozdrav, Angel
Честитки за поттикнување на комуникација и размена на искуства на оваа прашање кое навистина е во самиот почеток.
Јас го започнав блогот претприемач како едно хоби на почетокот на оваа година. До пред неколку месеци споредував две платформи (Joomla и WordPress) така да сега целосно го избрав WordPress токму поради SEO.
До пред некое време го користев All in One SEO Pack кој сега ми ја замени професионалната тема која има интегрирано комплет SEO елементи. Неколку работи изменив за еден месец при што забележав подобрување посетеноста за над 150% а извршив измена на темата, го променив она /blog директно на домеинот и започнав да внимавам на структурата на интерни линкови. Инаку за permalinks налетав на еден plugin кој сеуште не сум го пробал а автоматски го менува кириличното писмо на латинично (MK-ТО-LAT). Во секој случај мојот одговор на првото прашање е дека внимавам на SEO и тоа повеќе на onpage SEO елементи.
Инаку за второто прашање би одговорил дека не ме нервира и не ми е важно SEO кога посетувам македонски сајт бидејќи повеќе гледам во содржината на истиот.
За третото прашање баш сега погледнав во статистиката дека овој месец 90% посети ми се преку други зборови кои не го содржат домеин името.
Инаку во однос на конкуренција гледам само подобрување на веб просторот во Македонија. Зборови ги следам не толку многу бидејќи едноставно ми одзима време во креирање на содржина.
Драган, благодарам за коментарот. Го имам користено плагинот за конверзија. Врши работа. Особено ако не сака човек многу да се замара со тоа, или ако нема многу познавање.
Што се однесува до WP и оптмизациајта. Мора да имаш на ум дека SEO не е работа која се прави само еданаш, и не се само еден или неколку плагини во прашање.
Дискусијата е отворена, се надевам во иднина ќе ја разгориме уште повеќе :)
Јасно ми е сето тоа Дарко дека SEO е многу повеќе од еден плагин или блог платформа. Јас го искусив сето тоа во оваа моја прва година и направив премногу грешки од кои доста научив. Сето она што го правев беше едноставна споредба меѓу две платформи, споредба помеѓу различни блог написи, различни зборови, различни стратегии… Инаку споредба и мерење е една од основните работи и нормално подобрување.
Додатоците и темата се само средства за да не губиме време. Токму денес завршив со една книга која ја купив опд амазон Inbound Marketing – Get Found Using Google, Social Media and Blogs. Има навистина доста интересни работи во однос на она кога SEO се користи заради залажување на пребарувачите кои сепак за брзо време ве откриваат. Коментирање на други страни веќе не го лаже google бидејќи повеќето имаат ставено nofolow опција. Линк директориуми се откриеваат и нормално гласовите што ги добиваш не играат улога. На вебот можеме да најдеме огромен дел на SЕО поуки од тој стил кои само може да наштетат. Она што е најважно треба да се користат природните начини за добивање на место погоре на google. Но, често се поставува прашањето што значи тоа природно за google. Имај квалитетна и уникатна содржина која ќе се чита, имај добар дизајн, избери клучните зборови, оптимизирај ги написите во однос на тие клучни зборови, направи соодветно внатрешно линкување, пополнувај ги meta деловите (зборови, опис, наслов) користи h1, h2…, alt tags на слики, клучни зборови во хиперлинк… Сето ова значи природно напредување во однос на пребарувачите.
Доста е за денес! Во секој случај добра тема за нашиве простори.
Коментирај!
Tweet Blender
2 hours ago from twitterfeed
5 hours ago from TweetDeck
6 hours ago from TweetDeck
6 hours ago from TweetDeck
Blogroll
Архива
Последни постови
водење бизнис на Интернет
Most Commented
Последни коментари
водење бизнис на Интернет
водење бизнис на Интернет