Нема премногу извори од каде би можеле квалитетно и континуирано да го запознаваме и следиме локалниот интернет пазар. Овде и онде може да се најде по некоја бројка но често се собрани со различни методологии и тешки се за споредба.
Денес, благодарение на твитот на Дамјан, се присетив на податоците кои ги објавува еден интернет бројач кој им овозможува на сопствениците на интернет страници следење на посетите. Станува збор за StatCounter и неговиот сервис Global Stats.
Си поиграв малку, еве неколку графикони за МК:
Познавањето на својата публика односно потенцијалните ваши корисници, клиенти или читатели е пресудно. Затоа секоја можна статистичка бројка треба соодветно да се вклопи во вашата интернет маркетинг стратегијата. На тој начин може:
За крај малку за податоците:
Stats are based on aggregate data collected by StatCounter on a sample exceeding 5 billion pageviews per month collected from across the StatCounter network of more than 3 million websites. Stats are updated and made available every 4 hours, however are subject to quality assurance testing and revision for 7 days from publication. …StatCounter GlobalStats
StatCounter го користам повеќе од 5 години. Тој беше причината кој ме задржа подолго време да не го користам Google Analitycs. Иако далеку од конкурентен, споредено со GA, Statcounter е побрз и дава некои детали попрецизно од GA, затоа сеуште го користам паралелно со GA, и секако го препорачивам.
Минатата недела за време на обуката во Битола, во неколку наврати дискутирвме токму на оваа тема. Игор Мишевски од Nova Solutions ни помагаше околу одговорите и тоа не наведе дека може да го замолиме да ги синтетизира одговорите на оваа тема и да ги објавиме тука како гостински пост. Тој испрати повеќе од тоа што го спомнавме таму, па еве подолу во целист неговиот гостински пост за постапката за отварање на продавница на интернет во локални услови, се разбира:
Интернет продавниците во светот се секојдневна работа, но тоа не можеме да го кажеме и за Македонија. 
Меѓутоа секојдневно овој пазар се развива бидејќи постојат предуслови. Неофицијално во Македонија постојат околу 1 милион граѓани кои користат Интернет, исто толку користат платежни картички (бројот на картички е неколку пати поголем од бројот на корисници), а постојат само 50-тина интернет продавници.
Предусловите се тука, веќе се работи на едукација и подигање на свеста на купувачите, останува уште да има се поголем број на интернет продавници. Инвестицијата за отворање на интернет продавница не е воопшто голема, и е препорачлива за секој постоечки бизнис, но и за нови start-up бизниси.
Започнете ја својата идеја со правење на листа што ќе продавате. Колку и да звучи тривијално, сепак многу е битно да сте фокусирани на тоа што продавате. Многу е побитно да имате определен сегмент на производи и услуги отколку да нудите се и сешто. Најдете го вашиот “niche” пазар и развивајте ја вашата продавница. Доколку нудите услуги, добро дефинирајте ги, и по можност направете пакети кои се лесно разбирливи.
Можеби поважно од тоа што продавате е кому му продавате. Определете ја вашата целна група и дефинирајте го вашиот просечен купувач, кој е, што работи, од кај е, колкави му се примањата, зошто има потреба од вашиот производ или услуга. Дефинирајте го колку што може поспецифично. Ако имате неколку целни групи на пример мажи и жени, посебно дефинирајте ја секоја група и кажете кој ави е примарна, која секундарна
Овој аспект мора да го осмислите добро. Денеска постојат поштенски услуги како што се Глобко Логистик, Курир и Карго Експрес кои го носат производот до вратата на купувачот. Не заборавајте да ги овозможите сите опции кои ги нудите за различна достава во системот за продажба (со подигање, обична пошта, брза пошта и сл).
Овозможете им на вашите клиенти враќање или замена на производот (понудете замена за ист, сличен или друг производ). Еден вратен производ е поевтино од еден незадоволен купувач. Преземете го производот на ваш трошок и голема е веројатноста да добиете верен купувач. На својата веб страна јавно означете ги следниве работи: Заштита на податоци, Политика на приватност, Услови на користење и Гаранција и враќање на производи.
Како еден од клучните елементи на Интенет маркетингот, оптимизацијата за Интернет пребарувачи останува да биде и најактуелна тема за обработка на блогов. Знаејќи ја потребата, а воедно и тешкотијата при успешно оптимизирање на вашите интернет страници, мојата колешка Биљана Пешевска сподели со нас дел од нејзиното знаење и ни ги објаснува главните разлики и сличности помеѓу платените кампањи и долготрајниот процес на оптимизација. Еве што таа напиша:
Во изминатиов период, SEO (Search Engine Optimization – Оптимизација за интернет пребарувачи) е една од 
најактуелните теми на блогов, пред сè затоа што со ниски директни трошоци можат да се постигнат големи резултати. Од друга страна пак, како некој вид на “брза алтернатива” на SEO е PPC ( Pay Per Click – Платени кампањи по клик). Брзата алтернатива секако не значи дека SEO треба да се замени со PPC, туку дека за кратко време и со многу повеќе пари може да се постигнат добри резултати резултати.
Кои се придобивките кои можете да ги очекувате од SEO?
Иако SEO одзема време, а времето е пари, немате никакви други директни трошоци за оптимизирање на вашата веб страна. Случајот е поинаков доколку SEO-то го препуштите на професионалци кои во САД наплаќаат и по $500 на час за да ви помогнат при оптимизацијата.
Луѓето едноставно повеќе им веруваат на органските резултати од пребарувањето. Прво, факт е дека секој кој сака може да стави реклами и да користи клучни зборови кои баш и немаат врска со веб страната која се рекламира. Иако има напори од страна на Гугл ова да се контролира, сепак сè уште постои веројатност ова да се случи. Второ, оние кои пребаруваат се свесни за значењето на органските резултати и знаат дека тие веб страни кои се таму се навистина најрелевантни за тоа што тие го пребаруваат.
Ова баш и не е така, но штом успеете да ја оптимизирате вашата веб страна за клучните зборови кои ви се од интерес, понатаму ќе имате доволно знаење како тоа да продолжите да го правите успешно. Sледете го рангирањето и внимавајте затоа што вие сигурно не сте единствениот кој сака подобро да се рангира на тие клучни зборови. За разлика од SEO, кога станува збор за PPC кампањи резултатите ќе ги снема во истиот момент кога ќе ја стопирате кампањата.
Во напорите кои ќе ги вложите за оптимизација на вашата веб страна, спаѓа и делот на креирање на квалитетна и уникатна содржина за вашите посетители. Квалитетната содржина носи повеќе посетители. Повеќе посетители носат повеќе линкови. Повеќе линкови носат подобра оптимизација.
Кои се придобивките кои можете да ги очекувате од PPC?
Во моментот кога ќе ја стартувате вашата кампања ќе почнете да ги гледате резултати кои сте ги постигнале. Кога станува збор за SEO, резултатите ќе ги почекате подолг временски период, а во суштина и не мора да значи дека ќе бидат такви какви што вие очекувате.
Следењето и мерењето на остварените резултати преку PPC е навистина лесно, па дури може и да се каже дека се одвива во живо. Со тоа се овозможува прилагодување на кампањите според остварените резултати.
Бидејќи SEO е долготраен и макотрпен процес, PPC кампањите можат да служат како добра основа за градење на SEO стратегија. PPC кампањите се одличен фактички показател за најбараните и најефективните клучни зборови за вашиот бизнис. Резултатите кои ќе ги постигнете со PPC кампања ќе ви покажат каде да ги насочите напорите при оптимизирањето на вашата веб страна. При тоа ќе бидете сигурни дека сте ги искористиле вистинските клучни зборови кои се најпребарувани и кои ќе ви донесат потенцијални клиенти.
Многу е веројатно дека на малите бизниси ќе им биде потешко органски да се рангираат затоа што големите бизниси со препознатливи брендови ќе бидат на првите места. Па, затоа преку PPC кампањи на малите бизниси им се дава можност да бидат рамо до рамо со големите брендови и да се борат за истите посетители.
Вие бирате на кого, како и кога ќе му ги презентирате вашите реклами. Алатките како Google AdWords ви овозможуваат да таргетирате по земји, дури и по градови; во кое време да ги таргетирате и на кој начин да ги таргетирате вашите потенцијални посетители.
Доколку имате некоја кампања која што трае одреден временски период, секако сакате потенцијалните посетители што побрзо да дознаат за истата и да се вклучат во кампањата. PPC кампањата ќе ви помогне многу брзо тоа да го направите, но и да ги однесете потенцијалните купувачи на конкретниот дел од вашиот веб сајт кој се однесува на кампањата која ја правите, што не е случај со SEO.
Ова се само некои од придобивките кои ќе ги добиете од PPC и од SEO. За истите може до бесконечност да се збори. Но, никако не може да се каже дека едното е подобро од другото. Интернет маркетинг стратегиите секогаш ги содржат и двете, затоа што сепак станува збор за 2 делчиња од истата сложувалка.
Доколку размислувате како да ја оформите вашата маркетинг стратегија за интернет пребарувачите, најпрво дефинирајте што сакате да постигнете, колку брзо сакате тоа да го постигнете и дали го имате потребното знаење. Откако ќе го направите ова, ќе ви биде значително полесно да одлучите на што да посветите повеќе внимание и пари.
Сите коишто работат Интернет маркетинг се соочиле со предизвикот да користат Blackhat SEO. Идејата е да победите во битката со Интернет пребарувачите и да го постигнете своето место без разлика што се треба да направите за тоа. Ако Интернет пребарувачите сакаат густо оптимизиран текст, тогаш им даваме таков наместо оној кој е логичен. Ако тие сакаат линкови, тогаш ајде да ги купиме линковите и да ја завршиме работата.
Но дали е тоа навистина така? Како и во секоја војна, има правила и закони коишто го ограничуваат она што смеете или не смеете да го направите. Дури и ако сметате дека на овој или на оној начин не ја преминувате границата на дозволеното, има работи коишто сепак не треба да ги правите.
Маркетерите обично дејствуваат многу агресивно во постигнување на својата цел. Ако сакаат линкови кои водат до нивните страници, тогаш ќе направат се за да ги добијат овие линкови: агресивно коментирање по други Интернет страници (без разлика дали се релевантни или не), праќање еден куп мејлови на секаква публика, автоматско коментирање и други слични несоодветни работи кои ги карактеризираат единствено како спамери.
Пред да се одлучите да дејствувате на овој начин, замислете си како е да бидете од другата страна. Постојат еден куп приказни за успешни Интернет страници, блогови, кои морале да бидат затворени заради илјадници спам коментари. Дали е фер вашата Интернет страница да не постои веќе затоа што некој се одлучил да игра според пократкиот, но неетчки пат?
Слатка е идејата да бидете први на Google за кратко време без разлика колку тоа ќе ве чини финанскиски или етички. Да речеме дека сте храбри и се одлучивте да користите вакви методи. Ајде да анализираме што всушност се случува при користењето на Blackhat SEO техники:
1. Ја пренатрупавте вашата страна со клучни зборови затоа што Интернет пребарувачите ја вреднуваат густината на истите? Замислете како вашите посетители ќе ја читаат ваквата содржина. Дали тие би останале на страна на која секој втор, трет збор е ист и содржината нема никаков логичен тек? Дали вие на нивно место би продолжиле да читате ваква содржина?
2. Ги додадовте клучните зборови неколку пати во изворот на вашата страница невидливи на прв поглед? Некој малку поподготвен посетител кој би се одлучил да го види изворот лесно ќе сфати дека се користите со неетички методи. А бидејќи е докажано дека лошиот збор многу побрзо се шири, во следниот момент ќе прочитате на неколку места за вашата неетечка оптимизација на страницата. Дали тогаш ќе ви значи високото рангирање на Интернет пребарувачите?
3. Ви требаат линкови кои ќе водат на вашата страница? Лесно е да ги нафрлате каде ќе стигнете по блоговите и да изградите база на линкови кои ќе ви помогнат кон подобрување на Off-page оптимизацијата. Но дали водите сметка колку 
се релевантни постовите на кои сте го оставиле вашиот линк? Дали водите сметка што ќе помислат читателите на блоговите доколку вашиот линк непрестајно го гледаат во коментарите на секој втор блог на кој ќе наидат?
4. И повторно очајно се обидувате да ги надмудрите Интернет пребарувачите прикажувајќи за нивните спајдери една страница, а за посетителите друга? Користејќи doorway страници или cloaking можеби некогаш успеваше да ви донесе успех, меѓутоа денес само е причина повеќе за да добиете пенали или уште полошо, да бидете банирани. Спајдерите следат одредени техники за пронаоѓање на ваквите страници, ја следат навигацијата, пренасочувањето и други фактори кои алармираат за постоењето на овие страници.
На крајот, дали Blackhat SEO е секогаш погрешен начин да се борите со Интернет пребарувачите? Мислам дека одговорот е јасен. Ако веќе сте направиле Интернет страница, нормално е дека сакате да имате многу посетители и таа да биде позната. Меѓутоа доколку сте се одлучиле да ја оптимизирате по пократкиот пат, тогаш им давате порака на посетителите дека можеби немате долгорочна стратегија и многу брзо ќе ве снема.
Интернет пребарувачите играат клучна улога за секој поединец којшто има Интернет страница. Тогаш зошто би сакале да ги надмудрувате и да ризикувате да бидете на нивната црна листа? За сметка на краткотраен успех, ја ризикувате вашата долгорочна стратегија и вашиот бизнис на Интернет.
Да се здобиете со успех на Интернет пребарувачите, како би добиле посетители и клиенти е долг и макотрпен процес, но придобивките од истиот се далеку поголеми и подолгорочни. Па ваш е изборот, сакате да играте валкано или сакате да имате успех?
Имате Интернет страница на која доаѓаат многу посетители, но сепак вашиот профит стои во место? Тогаш сте одработиле само половина од вашата домашна задача. Успеавте да ја направите вашата страница позната, многу луѓе да ја посетуваат секојдневно, а потоа едноставно си одат. Имате уште работа тука.
Доколку се занимавате со трговија на Интернет, главен параметар кој го мери вашиот успех е зголемувањето на продажбата. Мора да научите како вашите посетители донесуваат одлука да купат од вас и при тоа малку да ја поттикнете нивната одлука да купат токму од вас. Еве неколку лесни начини кои ќе ви помогнат да ја поттикнете оваа нивна одлука и да ги претворите вашите посетители во купувачи:
Убедете ги вашите посетители дека она што им го нудите не е само она што го сакаат туку е токму она што им е потребно, она кое мора да го имаат и треба да побрзаат за да не ја пропуштат шансата да го купат. Креирањето чувство на итност (пр. достапно само сега за намалена цена; купете до тогаш и тогаш и сл.), има големо влијание врз импулсивното купување.
Погрижете се вашиот дизајн да биде доволно креативен за луѓето да сакаат да го зподелат со останатите. Од друга страна, погрижете се да им го понудите она што очекуваат да го видат – релевантни информации. Луѓето кои решиле да купуваат на Интернет, најмногу внимание обрнуваат на релевантните информации. Доколку не им го понудите она што го бараат, бидете сигурни дека нема да купат од вас. Доколку сметаат дека вашата страница е доволно корисна, ќе се почувствуваат поттикнати да ја споделат со другите и на тој начин вие ќе си добиете бесплатна промоција.
Најчесто луѓето го користат Интернетот за да пребараат и го најдат она што им треба, а потоа го купуваат во продавница. За да ги поттикнете да купат од вашата страница, креирајте понуда која е достапна само на Интернет. Додајте некаква вредност на понудата (пр. попусти за купување на Интернет, дополнителен производ и сл.), што ќе влијае на одлуката тие да купат од Интернет, наместо од продавница.
Најчеста грешка на бизнисите кои продаваат на Интернет е комплицираниот процес на нарачка. Вашиот посетител решил да купи од вас, меѓутоа кога ќе ја види процедурата за купување скоро сигурно се откажува. Овозможувањето лесен начин на нарачка е многу опиплива и комплицирана работа, која не секој може да ја изведе. Меѓутоа, бидете сигурно дека е изводлива и дека многу бизниси на Интернет успеале да ја изведат. Намалете ги потребните кликови на купувачот до крајната цел со добро обмислена процедура. Тука ви е потребен и внимателно изведен дизајн, кој едноставно сам ќе го води купувачот до неговата цел.
Истакнете некои сертификати, политика на сигурност која ќе им овозможи на вашите купувачи да ви веруваат и да бидат спокојни дека начинот на нарачка е сигурен, безбеден и ги заштитува нивните приватни податоци. Доколку овие информации се лесно видливи и јасно напишани на вашата страница верувајте дека многу влијаат на одлуката на посетителите да станат ваши купувачи.
Имајќи ги горенаведените елементи, можете да бидете сигурно дека вашиот профит ќе мрдне од точката на мирување. Сепак тоа е вашата главна, ако не и единствена цел – да заработите пари од вашето присутво на Интернет. Вашиот успех во целост зависи од вас самите. Затоа преземете акции и искористете ги овие совети доколку сакате да го поттикнете да стане уште поголем.
RSS
Newsletter
