Lijit – Пребарајте сѐ одеднаш

Колку би било добро кога на посетителите на вашиот сајт би им овоможиле да пребаруваат низ содржини кои не се објавени само на вашиот сајт туку и на други сервиси и сајтови каде е присутен вашиот бренд или компанија.

Lijit е алатка која го овозможува токму тоа.

Во основа Lijit е пребарувач базиран на енџинот на Google. Сервисот до максимум ја поедноставува опцијата за сопствено нагодено пребарување (custom search) која веќе подолго време ја нуди Google. Со неа може секој индивидуално да го дефинира полето на пребарување, т.е. да ги внесе сајтовите каде сака да му пребарува неговиот пребарувач. Lijit се надоврзува токму тука и многу едноставно, автоматски допушта да одберете кои од вашите лични акаунти на најпознатите светски сервиси ќе ги додадете во базата на вашиот личен пребарувач. Листата на сервиси е голема а ако тоа не е доволно Lijit копа низ вашите профили и блогови и ви сервира уште една проширена листа со профилите на вашите пријатели и линковите кои ги има во вашиот блогрол.

Овозможено е вградување на полето за преварување на вашиот блог или сајт. Опциите за прикажување се различни. Од автоматски избор на дополнителни информации врзани со вашиот Lijit профил до комплетно отворен код кој можете сами да го прилагодите на вашата тема.

Врвот во корисноста на овој сервис за пребарување доаѓа кога ќе приметите дека Lijit големо внимание посветува на анализата на пребарувањата направени со него. Имено, уште при самото највување на овој сервис првата информација која ќе ве пречека е бројот на пребарувања и најпребаруваните термини, за потоа да ве одведе на делот со напредна анализа која може да се израмни со најквалитетните сервиси за следење на посетители на еден сајт.

Lijit ќе им се допадне на оние кои веќе добро пливаат во web 2.0 сервисите и кои уште од самото креирање на сметката ќе испланираат каде и како ќе го искористат овој сервис на некој од своите сајтови или блогови.

Текстов е адаптација на текст објавен
во еден од постарите броеви на магазинот Click