Интернет продавница: 7 чекори за отворање на интернет продажно место
Минатата недела за време на обуката во Битола, во неколку наврати дискутирвме токму на оваа тема. Игор Мишевски од Nova Solutions ни помагаше околу одговорите и тоа не наведе дека може да го замолиме да ги синтетизира одговорите на оваа тема и да ги објавиме тука како гостински пост. Тој испрати повеќе од тоа што го спомнавме таму, па еве подолу во целист неговиот гостински пост за постапката за отварање на продавница на интернет во локални услови, се разбира:
Интернет продавниците во светот се секојдневна работа, но тоа не можеме да го кажеме и за Македонија. 
Меѓутоа секојдневно овој пазар се развива бидејќи постојат предуслови. Неофицијално во Македонија постојат околу 1 милион граѓани кои користат Интернет, исто толку користат платежни картички (бројот на картички е неколку пати поголем од бројот на корисници), а постојат само 50-тина интернет продавници.
Предусловите се тука, веќе се работи на едукација и подигање на свеста на купувачите, останува уште да има се поголем број на интернет продавници. Инвестицијата за отворање на интернет продавница не е воопшто голема, и е препорачлива за секој постоечки бизнис, но и за нови start-up бизниси.
Производи и услуги
Започнете ја својата идеја со правење на листа што ќе продавате. Колку и да звучи тривијално, сепак многу е битно да сте фокусирани на тоа што продавате. Многу е побитно да имате определен сегмент на производи и услуги отколку да нудите се и сешто. Најдете го вашиот “niche” пазар и развивајте ја вашата продавница. Доколку нудите услуги, добро дефинирајте ги, и по можност направете пакети кои се лесно разбирливи.
Целна Група
Можеби поважно од тоа што продавате е кому му продавате. Определете ја вашата целна група и дефинирајте го вашиот просечен купувач, кој е, што работи, од кај е, колкави му се примањата, зошто има потреба од вашиот производ или услуга. Дефинирајте го колку што може поспецифично. Ако имате неколку целни групи на пример мажи и жени, посебно дефинирајте ја секоја група и кажете кој ави е примарна, која секундарна
Дистрибуција и гаранции
Овој аспект мора да го осмислите добро. Денеска постојат поштенски услуги како што се Глобко Логистик, Курир и Карго Експрес кои го носат производот до вратата на купувачот. Не заборавајте да ги овозможите сите опции кои ги нудите за различна достава во системот за продажба (со подигање, обична пошта, брза пошта и сл).
Овозможете им на вашите клиенти враќање или замена на производот (понудете замена за ист, сличен или друг производ). Еден вратен производ е поевтино од еден незадоволен купувач. Преземете го производот на ваш трошок и голема е веројатноста да добиете верен купувач. На својата веб страна јавно означете ги следниве работи: Заштита на податоци, Политика на приватност, Услови на користење и Гаранција и враќање на производи.
Техничко решение
Секогаш може да се одлучите да барате систем кој ќе биде изработен според ваши барања, од компанија која добро ќе го наплати нивниот труд, но уште подобро ќе ве врзе за идни надградби на софтверот. Затоа морам да ви потенцирам дека постојат повеќе решенија развиени како слободен софтвер кои се основа на стотина илјадници интернет продавници. Предност при одбирање на вакви решенија е . Сепак од моето скромно искуство ви давам предлог за овие две решенија: Joomla! со додадена компонента VirtueMart, Magento.
За двата горенаведени системи може да се нарачаат шаблони (по околу седумдесетина евра) кои со мали промени можат да овозможат функционално решение со одличен дизајн. Изборот за овие две решенија е поради тоа што просечен напреден корисник на интернет, може лесно да се снајде во конфигурирање и одржување, а инсталацијата може да ја направи некој со основни познавања на MySql и FTP. Сепак за поврзувањето со системите за трансакција ви е потребно дополнителна помош од некој поискусен програмер или девелопер.
Системи за трансакција на ниво на Македонија овозможуваат следниве банки: Уни Банка, ИК Банка и НЛБ Тутунска Банка. Иако секоја банка за секој клиент дава посебна понуда со определени услови, од искуство најприфатливи се условите на ИК Банка (нема почетни трошоци, нема месечна надокнада), па на Уни Банка (нема почетни трошоци) и на крај НЛБ Тутунска Банка. Од друга страна НЛБ Тутунска банка ви нуди решенија и за Мастер/Маестро и за Виса, додека ИК Банка е овластена само за интернет трансакции за Виса, а Уни Банка само за Маестро/Мастер. Значи треба да се одлучите или за ИК Банка заедно со Уни Банка (трансакциите се одвиваат преку CaSys) или да ги прифатите условите на НЛБ Тутунска Банка (систем на FirstData). Изборот зависи од вас и од вашите потреби, само распрашајте се подетално.
Генерално барањата на овие банки се обемни, но во пракса можете да поминете полесно отколку што е истакнато на нивните веб страни, поради фактот што дел од процедурите можат да бидат олеснети и спроведени од нивна страна со цел да ви помогнат.
Тука мора да го споменеме и системот на Трговски Центар (tc.mk) кој нуди многу добри решенија за мали продавници, на кои им треба брзо решение и лесно одржување. Со самата апликација вие добивате домен со име prodavnica.tc.mk (каде prodavnica е името на вашата продавница). Ова е добро решение и поради тоа што не ви треба никакви договори со банки, ниту пак имате потреба од дизајн и програмирање или инсталирање на готов софтвер. Единствено го добивате тоа што ви треба – продавница преку која сте готови да продавате.
Доколку сте мала компанија која сака брзо да започне да продава на интернет без многу компликации го препорачувам системот на Трговски Центар, доколку пак сакате да го јакнете својот бренд и сте спремни да посветите повеќе ресурси на вашата продавница одберете некој систем базиран на слободен софтвер. Ако прашате зошто слободен софтвер наместо софтвер со затворен код, ќе ви одговорам кратко: не си го комплицирајте животот ☺.
Тестирање
Секогаш, ама баш секогаш тестирајте го системот. Поставете пробен производ со помала вредност и замолете некој ваш пријател да направи нарачка и да ви каже каде се проблемите, што не функционира и што е одлично. На овој начин можете да заштедите многу идни проблеми и се разбира пари.
Тестирајте и тогаш кога ќе почне да функционира продавницата многу од проблемите можат подоцна да излезат на површина. Подобро да имате 10 грешки во тестот, отколку 1 греќка во реалното купување.
Промоција
Промоцијата е еден посебен сегмент, и вие тоа сигурно го знаете. Меѓутоа за да ја привлечете вашата целна група не ви треба скапа реклама за време на Шехерезад, или некој огромен билборд на некој автопат. И така и така никој нема да може да кликне на нив. Побарајте каде се движи вашата група и бидете присутни таму без разлика да ли се работи за реалниот или виртуелниот свет. Понудете им едукација зошто да купуваат од вас и зошто (и како) да купуваат од интернет. Направете и сопствена страница, повикајте ги потенцијалните клиенти да ви се придружат и стимулирајте ги со попусти, наградни игри и слично.
Одржување
Одржувањето е нешто на коешто сите забораваат кога ќе се изработи нивната веб страница, без разлика дали се работи за мала продавница или за голем систем за е-трговија, она што е секогаш потребно е секојдневното одржување. Понекогаш се доволни и неколку минути дневно, но бидете спремни кога ќе излезат проблеми да посветете повеќе време и да ги решите. И не заборавајте да им кажете на постоечките и идните клиенти дека имате некој проблем на кој работите. На тој начин само ќе ја зголемите довербата.
И на крај една препорака, почнете што побрзо. Тие што ќе направат сопствена продавница, порано ќе се позиционираат на интернет пазарот за кој се очекува дека брзо ќе се развива наредните две години.
Успешна работа!
[...] This post was mentioned on Twitter by Mishevski Igor. Mishevski Igor said: http://ow.ly/1I4MR Мојот гостински пост #komunikacii #emarketing (фала @darko156) [...]
Игор убаво ја обработил темава. На посетителите можеби ќе им биде корисен и овој пост на темава: http://www.tc.mk/blog/8-elementi-dobra-e-prodavnica/
Инаку морам да направам една корекција на податоците. На Трговски центар продавниците можат да добијат адреса со надворешен домен, како што одамна постои http://www.myshop.com.mk
На авторот му благодарам за препораката до трговците да ја искористат вредноста на Трговски центар.
Но останува нејасно зошто се тврди дека е подобро за „сериозните“ продавници, како што се вели, “да посветат“ куп пари и ресурси за водење Joomla продавница, во споредба со едноставна синергистичка интеграција со Трговски центар?
[...] Постот е оргинално објавен на Интернет Маркетинг Блог. [...]
Александар, ти благодарам на коментарот. Навистина Трговски Центар нуди голема додадена вредност за интернет продавниците.
Во однос на доменот дадов опис дека немаат потреба ни од посебен домен, меѓутоа многу е јасно дека за тие што го сакаат можат да постават и сопствен домен.
Се согласувам со тебе дека за независен систем за интернет продажно место е потребно повеќе ресурси, и мое мислење е дека за како што велиш ти „сериозните“ (никаде не го имам употребено тој збор) продавници можеби имаат потреба од интегрирање со постоечка веб страна, блог, форум, социјалем медиум и многу други опции, кои можеби не се во рамките на системот на tc.mk, па подобро им е да вложат повеќе средства во сопствен систем.
Во секој случај, уште еднаш сакам да потврдам за вредноста на tc.mk за нашето информатичко општество, и би ми било мило овој успех да го мултиплицирате.
Искрено
Мислам дека Игор има уште необработени теми:
Во светскиот eCommerce во моментов доминираат два концепти – amazon.com и eBay.com. Ова второво некако цело време се прескокнува во дискусиите за eCommerce кај нас. Доколку погледнете историски, како се развивал пазарот во Америка – секако ќе приметите дека eBay.com има далеку побрз развој од системот на amazon.com.
Генерално кај нас се промовираат интернет продавници, но се заборава дека развојот на онлајн тргувањето скоро секаде, па вероајтно и кај нас се одвива по следниов редослед:
1. Огласи на интернет – едноставно огласување, купувачите се јавуваат на телефон или на мејл на продавачот.
2. Аукции – производите за продажба веќе се листаат одделно, комуникацијата и плаќањето се одвива директно помеќу двете страни. Можност исто така да се отворат продавници.
3. Онлјан продавница – производите се средени во каталог, продавачот ги одбира но не може да менува описи и фотографии. Плаќањето е со кредитни картички најчесто преку порталот кој ја нуди услугата.
Синиша, ти благодарам на забелешката.
Необработените теми секако не се дел на овој пост, што би значело дека може да бидат дел од друг. Инаку овој пост повеќе е наменет за компании што решиле да отворат интернет продавница, и се фокусира конкретно на тоа.
Како што кажав, продавници можат да се отворат и на двата типа на портали. Во текстот е споменат само tc.mk како единствено решение – забелешката се однесува на тој дел.
A sto ako sakam globalna Internet prodavnica kade klientite ke mi bidat od celiot svet ? Edna od osnovnite prednosti na elektronskata komercija e sto gi uriva geografskite granici vo kupuvanjeto… Od druga strana, vo Makedonija samo se razmisluva za e-prodavnici koi operiraat na nejzina teritorija… Sto ako sakam da razmisluvam globalno ? Kolku lesno, odnosno kolku tesko bi mozel da go izvedam toa ? Ako prvo e vozmozno, togas kako bi se resile nekolkute glavni prasanja (precki) spored mene:
-> Globalen nacin na plakanje preku web (paypal e nadvor od igra, vrabotenite vo bankite seuste me gledaat zbuneto koga im zboruvam za moneybookers )
-> Praven aspekt ( kako sto bi se registrirala takva firma ? Kolku danok bi trebalo da plaka za nejzinata dejnost ? Koj resava vo slucaj na spor pomegu stranki od razlicni zemji? )
-> Politika na vrakanje na proizvodite ?
-> Globalen nacin za transport (iako ovde ne sme tolku zaostanati, no ostanuva otvoreno prasanjeto kolku e isplatlivo od aspekt na ceni )
Ako nekoj ima vakvo konkretno iskustvo, mnogu bi sakal da me sovetuva kako da stasam do globalen sajt za e-komercija, stacioniran vo Makedonija.
Ако сакаш глобална продажба, тоа можеш да го направиш преку eBay.com. Единствен проблем се високите трошоци за испорака. Ако продаваш предмети што можеш да ги испорачаш како вредносно писмо или ако продаваш скапи предмети кај кои трошокот за испорака (околу 20 EUR за пакет од 1kg) не влијае бтино на цената, тогаш можеш да продаваш на овој начин.
Што се однесува до плаќањето, PayPal и Moneybookers се варијантите со кои можеш да примаш уплати. Иако PayPal не е пристуен кај нас, постојат варијанти како да се отвори сметка, за Moneybookers нема проблем…
Што се однесува до споровите, сите аукциски сајтови имаат тн. Resolution Center – преку кој се решаваат споровите помеѓу купувачот и продавачот.
Доколку не се наоѓаш во овие два примери, ти останува само локална продажба или да ги решиш на некој свој начин испораките во регионот. http://www.tiktak.me е замислен како регионален сајт, има можност за продажба во повеќе валути и локации, двојазничност и сл. За клиентите кои сакаат да продаваат и во Србија им нудиме и опција за листање кај порталите со кои имаме соработка.
Od tvojot odgovor samo se sogleduva deka Makedonija e vo nezavidna polozba duri i onamu kade sto “nema granici” – na Web. Sto ako sakam da zarabotuvam od uslugi, a vo najopst slucaj, bi sakal za mene da e transparentno potekloto na korisnikot na uslugata/proizvodot ? I povtorno nekolku prasanja od prethodno ostanuvaat neodgovoreni.
:( Nekolku biznis idei mi se zapletkani vo “implementacijata vo makedonski uslovi za `hostiranje` na biznisot”…
Владо, било која од банките која нуди можност за електронска наплата во МК не ја скратува можноста за напалата од картички кои не се издадени во МК. Се додека функионираат на интернет ќе функционираат и на нивните системи…
Прашање е дали ќе успеат странските купувачи да се снајдат на cPay системот каде се е на МК, ако не се лажам и немаш многу можност да менуваш како продавач. Од друга страна Тутунска дава можност за комплетна модификацја на изгледот на страницата каде се врши плаќањето.. па може да се претпостави дека така можеш да го надминеш тој проблем. Е сега… нов предизвик е градење/стекнување доверба кај овие купувачи затоа што станува збор за процес и платежен систем со кој тие најверојатно не се запознаени па може да се јави сомнеж…
Што се однесува за правниот дел… не гледам тука никаква пречка… иако не сум правник. Има фирми кои извезуваат од МК. Ако купувањето се случува на интернет не би требало да важат некои посебни правила… трговија/продажба си е продажба. Сметката во банка ќе е на твојата фирма и се ќе си оди низ нашиот локален систем.
Според мене, најголем предизвик е испораката, доколку не станува збор за дигитални прозуводи или услуги. Има тука можносто да се преговара со DHL и н ним сличните но сепак нашиов пазар не е толку развиен и не верувам дека ќе може да се постигне некоја конкуретна цена…. дај боже да грешам…
Значи… ако твојата компанија сака да продава преку интернет надвор од МК во теорија гелдано не постојат пречки тоа да гонаправи… Поголем предизвик е , но од друга страна пак и пазарот може да биде поблагодарен за работа…
PayPal и MoneyBookers поред мене не се сериозно решение зошто не можеш официјално како фирма да го кориситиш, а тоа значи дека дополнително ризкуваш повече… за да не раскажувам премногу еве еден линк со едно скорешно лошо икуство…. за да знаете на што го изложувате вашиот бизнис… http://wtfjeans.com/blog/paypal-sucks-big-time/
@vlado ако сакаш веќе можеш да продаваш и да наплаќаш интернационално од Македонија. Услови постојат и фирми веќе го прават тоа.
Можеш пешки да си изградиш веб продавница и придружна логистика, а тука ти е и http://www.tc.mk како комплетно софтверско, платежно и услужно решение со платежен escrow систем, fraud management и флексибилен систем за испорака. Системот за мултијазичност го имаме во позадина, и периодов ќе го активираме најмногу поради потребата на сегментот за туризам.
Наплатата е глобална од сите картички од брендовите Виза, Мастеркард, Дајнерс и уште некои.
Испораката можеш да си ја уредиш како сакаш или да ги користиш вградените тарифи. Ќе преговараш со компаниите кои вршат интернационална испорака за да утврдиш услови и тарифи. Потоа истите можеш да ги внесеш во твојата ТЦ продавница, за да се тарифираат автоматски.
Системот за рекламации и спорови е применлив за нарачките. Моделиран е по углед на системот на Пејпал и на Ибеј. Така што имаш генерална наплата од картички со систем за решавање на спорови.
Нема поголеми препреки за тоа што го прашуваш, и се сведува на твојата решителност да се бавиш со тоа што си наумил. И пред се имплементацијата на сето ова најмногу зависи од конкретната бизнис идеја.
@Дарко – примерот што го наведуваш е за блокирана сметка поради неиспорачани производи. Од аспект на PayPal тоа е начин како да се спречат злоупотребите. Поради тоа и купувачите во светот имаат доверба во PayPal, доколку пријават злоупотреба – средствата можат да им бидат рефундирани. На купувачите во странство cPay или NLB не им значи апсолутно ништо…
@Синиша не реков дека продавачите не се сами делумно виновни… но тоа бил нивниот бизнис модел за испорака и направиле превид… во секој случај погледни ги следните постови. Парите уште не им се вратени на купувачите…. а тие се префрлиле на систем за наплаќање од локална банка што во таа ситуација е француска банка…
Нашите банки штом се фатиле на оро да работат со Visa и Mastercard мора да ги следат нивните принципи на работа и да ги нудат истите гаранции и поддршка. Мислам дека тука малку неосновано се напаѓа.
Патем… не верувам дека во светот само преку PayPal и Moneybooker се купува…. токму затоа верувам дека не е толку голем проблем тоа….
@Дарко – не напаѓам никого, се работи за факти и лично искуство. Затоа и постојат системи за плаќање како PayPal, Moneybookers и сл – купувачите немаат доверба да плаќаат со кредитни картички преку gateway системи кои што не им се познати. Дали ти на пример би платил за услуга со кредитна картичка преку некој gateway од Молдавија или Русија?
Точно, не се купува само преку PayPal, но вредноста на транскациите преминува $80 милијарди годишно, а и eBay очекува најголем раст на својот бизнис токму кај PayPal. Секако големите eCommerce брендови можат да наплаќаат и преку кредитни картички, но само затоа што купувачите им веруваат.
I have been examinating out several of your posts and it’s pretty very good stuff. I will certainly bookmark your blog.
Коментирај!
Blogroll
Архива
Последни постови
Most Commented
Последни коментари