Home » SEO, Tools

Македонија: веб аналитика

Автор: Дарко Булдиоски | Објавено на 25 Oct 2009 | 9 Коментари
Сподели

Следење на веб аналитика знае да му влезе на човек под кожа. Стануваш зависен од бројки и континуирано следиш како тие се менуваат. Па бараш подинамични алатки кои уште побрзо ќе се менуваат за да си ги задоволиш потребите, па на крај откриваш дека можеш во живо да следиш што се случува на твојата страница и тука веќе стануваш зависник.

Нема ништо лошо во следење на аналитиката на посетеност и употреба на интернет страниците, но ова важи се додека податоците се употребуваат за да се подобри искуството на корисниците/посетителите на страницата. Се што не води кон оваа цел, која на крај нели би требало да резултира со поголем број на посети, продадени прозводи и сл. е безполезно. За да се извлечат корисни заклучоци и потоа да се преточат во серија активности за унапредување на страницата, треба навистина да се владее темата.

Некои светски статистики покажуваат дека 79% од компаниите следат информации но само 30% од нив прават промени со цел да добијат подобри резултати.

Која и да е целта, кога зборувам или обучувам некого на оваа тема напоменувам дека постoјат бесплатни и алатки за кои треба да платите. По логика на нештата овие кои треба да ги платите би требало да нудат нешто повеќе, инаку нивниот модел би бил неодржлив. Е сега, по уште една логика, веројатно на ваков трошок се осудуваат оние кои навистина се подготвени да имплементираат промени во својата интернет презентација или бизнис и на крај да имаат некакво враќање на инвестицијата. Понатаму нема да следам логики, долг испадна постов, туку само ќе наведам една листа на топ 15 МК страници (според статистиките кои ги мери Httpool т.е. DoubleClick) со податоци кои сервиси за аналитика тие ги употребуваат.

  1. http://www.idividi.com.mk – Google Analytics | SiteMeter
  2. http://www.motika.com.mk/ – NA
  3. http://www.kajgana.com – Google Analytics
  4. http://www.vest.com.mk/ – Google Analytics | SiteMeter
  5. http://www.forum.kajgana.com – Google Analytics
  6. http://www.24fudbal.com.mk – Google Analytics
  7. http://www.dnevnik.com.mk – Google Analytics
  8. http://www.utrinski.com.mk – Google Analytics | SiteMeter
  9. http://www.zbavitu.net – Google Analytics | SiteMeter | Quantcast
  10. http://www.zlatnakniga.com.mk – Google Analytics
  11. http://www.sport.com.mk – NA
  12. http://www.crnobelo.com – Google Analytics | SiteMeter
  13. http://www.mmm.com.mk – Google Analytics
  14. http;//www.romanticni.com.mk – Google Analytics | SiteMeter
  15. http://www.motori.com.mk – Google Analytics

Податоците се собрани со додатокот WASP за Firefox. Заклучоци нема да извлекувам. Само ќе напоменам дека откако го ставив овој додаток сурфањето ми стана позабавно кога гледам што се` другите интернет страници користат. Кај нашиве на најдов ниту еден што се плаќа. Можеби тоа зборува за пазарот, можеби за сериозноста на сопствениците на страниците.

Јас во моите презентации имам и ваков совет: Усовршете се во користењето на бесплатните пред да инвестирате во платените алатки за следење на статитика на посетеност. Може и тука се крие дел од одговорот.

Ќе се обидам да извлечам заклучок кога ќе имам некоја информација повеќе. Во меѓувреме може да го споделиш ти твојот заклучок во коментарите подолу.

http://emarketing.komunikacii.net/wp-content/plugins/sociofluid/images/stumbleupon_48.png http://emarketing.komunikacii.net/wp-content/plugins/sociofluid/images/delicious_48.png http://emarketing.komunikacii.net/wp-content/plugins/sociofluid/images/google_48.png http://emarketing.komunikacii.net/wp-content/plugins/sociofluid/images/facebook_48.png http://emarketing.komunikacii.net/wp-content/plugins/sociofluid/images/twitter_48.png

←                                           →


9 Коментари »

  • Tweets that mention Македонија: веб аналитика | Интернет Маркетинг Блог -- Topsy.com :

    [...] This post was mentioned on Twitter by Jane Gjorgjioski, Natalija. Natalija said: Македонија: веб аналитика http://bit.ly/166EcJ [...]

    # 25/10/2009 во 22:29
  • Стефан :

    Уф, листава е многу сумљива:), али нема да навлагам. Моментално го користам Google Analytics и сеуште ги немам исцрпено сите негови опции. И дефинитивно е дека додека не ги искористам максималните капацитети на Analytics нема да преминам на платено решение.

    Точно е дека се губи многу време на пратење на податоците посебно ако е “во живо”. У принцип глупо е да висиш цел ден пред монитор и да ги гледаш како се менуваат бројките. Затоа треба да се најде некоја златна средина за тоа колку ќе поминеме во пратење на податоци, а колку во преземање на конкретни акции.

    # 25/10/2009 во 22:49
  • Дарко Булдиоски :

    Те молам не ни се обидувај да коментираш на листата. Ја користев само за да не мора од рака да вадам сајтови.

    За GA, морам да признаам дека со отпор почнав д ги користам и уште не ми се омилени. Но откако почнав да разгелдувам некои од овие профи што се, сфаќам колку се GA сложени за употреба :)

    Е, сега, дури и да ти треба да извадиш нешто повеќе, рашање е дали со МК сајт кој функционира на локално ниво ќе можеш да ја оправдаш инвестицијата. Веројатно секогаш ќе важи она: ќе помине и вака.

    Ама, ај да се надеваме дека во блиска иднина ќе се менуваат работите. Затоа сме ние тука. Да ги туркаме :)

    # 26/10/2009 во 00:13
  • gjolesuns :

    Vredi da se napomene deka DoubleClick ovie metrics gi ima izvleceno od sopstveniot reporting sistem, ne od privatnite na samite sajtovi.
    Stom koristite ad tags od odreden provajder na vasiot sajt, merenjata odat i na toj sistem nezavisno od vasiot sistem.

    # 26/10/2009 во 09:37
  • Дарко Булдиоски :

    Со намерно додаден мерилен пиксел (код) се. има појаснување таму каде што е листата. не е преку системите за реклами.

    # 26/10/2009 во 09:41
  • Димитар :

    Доколку некој од вас го користел Woopra програмот за real time monitoring ќе заборави на сите овие претходно споменати. Од http://www.hrana.com.mk го користевме Woopra-та додека беше бесплатен, сега чекаме да ни ја одобрат уплатата и верувајте програмата е незаменлива.

    За целото време додека го користиме Woopra имаме и Google Analytics само поради експортот на податоци и валидноста на податоците пред некој маркетинг компании кои ги бараат тие податоци.

    Но, еве неколку дена сме без Woopra и некако се чуствуваме како слепи околу тоа што како се случува на сајтот :)

    # 10/11/2009 во 10:39
  • Дарко Булдиоски (автор) :

    Не сум го сретнал овој сервис, а разгелдував доста други. Баш ќе видам што нуди. Фала.

    # 10/11/2009 во 10:53
  • Димитар :

    Не е онлајн сервис Дарко, се работи за Stanalone Desktop апликација, тоа на сајтот што го имаат ни одблиску не е како програмот. Програмчето им е во Java и е целосен мониторинг.

    Ги следиш како доаѓаат посетителите, гледаш се за нив (локација, IP, платформа) и други детали кои ги има и на Google A.

    Најдобро е кога ќе пуштиш реклама на FB, time.mk или на некој друг online портал, гледаш како таа реклама ефектира на посетеноста на сајтот, на bounce rate-ot и слично.

    Ама реклама му направив :)

    Во секој случај имам користено неколку такви StandAlone Desktop App. за real time monitoring и овој беше врв, до пред 3 недели откако почнаа да го наплаќаат :(

    # 10/11/2009 во 11:08
  • Дарко Булдиоски (автор) :

    Епа ја пуштиле чивијата :) ќе плаќаш сега. Се што вреди нели….. :)

    Фала за појаснувањето. Јас сум забележал дека за live monitoring доста го употребуваат Clicky – getclicky.com Едно време (доека беше бесплатен) го користев, и навистина беше добар во истиов погелед кој зборуваш, пренос во живо :)

    # 10/11/2009 во 11:15

Коментирај!

Држи се до темата. Не спамирај. Благодариме.