How low, can you go?

Се спремав да го напишам постов, по самото завршување на обуката за основи на интернет огласување. Но пуст, крај на година секогаш има многу работа, па не се стига се. А очигледно мора и да се најде некоја понова мотивација…а среќа во МК интернет сферава мотивации има на претек.

На обуката се обидував да елаборирам CPM (cost per mile) односно CPI (cost per impression) моделите на интернет огласување се подобри за двете (главни) инволвирани страни, огласувачите и сопствениците на содржина. Од серијата прични, овде ќе наведам само неколку:

За огласувачите: CPM моделот неопходно подразбира дека оној кој плаќа за огласот ќе се обиде да извлече максимум од него. Односно ќе се потруди да ја погоди (тергетира) вистинска публика, ќе се обиде да не и здосади на публиката, односно ќе внимава да не предизвика контра ефект од огласот и секако на крај ќе мери ефективност и конверзии.

За сопствениците на содржина: Како зголемува профит сајт кој продава на кило (читај време)? Става повеќе банери, така? И до кога така? Како ќе го наплати зголемениот број на посети? Склучил договор со фирма Х за една година и завршил работа… за исти пари на фирмата сега и нуди 10 пати повеќе импресии од пред 9 месеци. CPM решава проблем нели? Повеќе посети, повеќе пари. Помалку банер позиции, поголем ефект од истите. Клучниот момент: ротација на банери. И секако, на овој начин, кога огласувачите ќе ги засега ефективноста ќе може да продадете поскапа имресија доколку вашата публика вреди повеќе.

Сево ова и многу повеќе, на обуката, го поткрепувавме со примери, а со уште поубави примери од локалниов Интернет пазар го потврди и Савица од Httpool. Нема да должам сега со конкретните бројки (во некоја следна прилика, не се тајна), но верувајте и покрај сите пазарџиски муабети и за двата случаја бројките одеа во полза на овие моделите.

И за крај, нели мотивацијата…. Он.нет, Кајгана & Co. Како изгледа денешниот ден на просечен интернет корисник во МК:

Влегувате на сајт, оп, за добредојде имате реклама на цел екран. Добро ајде, одите понатаму. Оп, некоја што се отвара ви се отвора и таму кај што треба и таму кај што не треба, одите поантаму… и сфаќате дека ве следи едно лого до поинтерот на глушецот и геледате на календарот во ќошот. ДА БЕ 2009 е, а еве ја чекаме и 2010. Среќа што не сум редовен читател на забавниве МК сајтови, зошто на начинот на кој ме третираат тешко дека ќе ме задржа долго…

Да ја потхранам приказнава со серија негативни твитови на темава (само од денес):

http://0.mk/55f3
http://twitpic.com/unqul
http://twitpic.com/unuey