iFrame за Facebook страници – што точно значи тоа и како да ги употребите

Во продолжение на новостите од Facebook – месец на промени, следат други алатки и начини за подобрување на вашата Facebook Fan page.

Првото прашање (гледајќи го насловот) сигурно ви е: што се тоа iFrames? iFrames е скратено од Inline Frames и едноставно кажано нуди можност за приказ на содржина во прозорец сместен на самата страница. Оваа рамка (прозорец) прикажува содржина не само од HTML документи, туку и Word и Adobe Reader (.pdf) фајлови.

iFrames од неодамна стана единствена опција за Facebook страниците и апликациите. Претходно се користеше FBML (Facebook Markup Language) со кој се правеше Landing page или некој друг таб на Facebook страница кој сега веќе е тргнат од употреба. Иако веќе не постои опцијата да креирате страница со FBML, сепак ќе можете и понатаму да ги едитирате веќе креираните страници со FBML.

Кои се предностите на iFrame?

- Може да се додаваат opt-in страници, со што посетителите на FB страницата можат не само да ја „лајкнат” страницата, туку и да се пријават за добивање е-билтен (newsletters) од вашата веб страница.

- Можат да се додаваат видеа кои можат да се прикажуваат на цел екран.

- Може да вршите продажба на вашите производи директно преку Facebook.

- Ако ова не ви е доволно можете да ја пренесете целата содржината од вашата веб страница.

За надградба на вашатa страница може да изберете некоја од многуте такви алатки и апликации. Јас ви предлагам неколку: Wildfire, BuddyMedia, Involver, TabPress, iFrame Wrapper, Developer.

И за крај да не остане неспомнато деновиве, Facebook објави дека, конечно, ќе можат да го претворите Facebook профилот на вашата компанија во Facebook страница. Добра вест за повеќето компании во Македонија кои сеуште користат профили, нели? Повеќе за оваа миграција може да прочитате на TheNextWeb.