Содржината е клучна за добар маркетинг

Веќе извесно време на сите клиенти со кои работиме се обидуваме на време да им појасниме дека започнувањето маркетинг активности на социјалните медиуми мора да се направи со добар план пред се` за да може да се предвиди развој и употреба на подолг рок. Овој тип на маркетинг не дава долгорочни резултати со краткорочни активности, напротив за градење на вистинско, квалитетно присуство потребно е време. А тоа време на социјалните медиуми значи и креирање на многу содржина.

Социјалните медиуми „јадат” многу содржина

Го истакнав ова и на неодамнешната панел дискусија на GEW со наслов: Користење на социјалните медиуми од страна на претприемачите. За да одржите квалитетно присуство навистина е потребно вашиот бренд да генерира многу и квалитетна содржина. Причината зошто оваа содржина е многу важна е прилично едноставна: Content Marketing (маркетинг преку содржина).

Истражувањата докажуваат дека оваа, веќе не така нова, дисциплина станува еден од најефективните начини за пренесување на информациите и вредностите на вашиот бренд кон публиката. Доказ за ова е и сумарната статистика која ја објави во својот текст извршниот директор на  eMarketer – Geoff Ramsey: 2011 Trends: Content Marketing Is Critical

…marketers will need to rethink their approach to advertising and marketing and intensify their focus on creating magnetic content that will naturally attract consumers, rather than relying solely on the interruption model of advertising, which consumers are responding to less and less. Think pull vs. push.

Привлечната содржина (magnetic content) може да вклучи се што е создадено во има на брендот, било тоа да е реклама, видео на YouTube, Facebook страница или апликација за мобилен уред. Клучниот факт е дека со овој тип на содржина корисниците сакаат да се поврзат и да ја споделат. Оваа содржина забавува, воодушевува, информира, односно задоволува некоја од потребите на корисниците. Таа е одлична замена за техниките на прекинување затоа што по својата природа содржината не е го нарушува очекуваниот тек на информациите.

Нормално, статистиките доаѓаат од Америка, која често не е соодветен пример, пред се поради тоа што е многу понапред од другите пазари, но тоа ни од далеку не значи дека останатите пазари нема да се развиваат исто во периодот кој следи.

Nearly three-quarters of US companies with a social media strategy used such content in their campaigns, making it the most common type of content used, according to a June 2010 study by King Fish Media, HubSpot and Junta42.

За квалитетна содржина мора да се одговори на вистинските прашања

По изложените бројки Geoff Ramsey ги посочува прашања на кои мора да внимаваат луѓето од маркетинг доколку сакаат да креираат содржина која ќе биде вредна за споделување:

1. Дали содржината  е единствена (уникатна)?
2. Дали содржината е корисна?
3. Дали содржината е добро спроведена (executed)?
4. Дали содржината е забавна?
5. Дали содржината е соодветна на каналот на кој се појавува (на пр., социјални медиуми, мобилни уреди, видео)?

Над сите овие конкретни прашања стои едно поважно од сите нив: Besides your product, what can you do for the consumer?

Во Македонија има поединечни примери каде компании вложуваат средства во креирање на содржина корисна за својата публика (потенцијални купувачи/корисници). Од лично искуство можам да споделам дека ваквиот тип ангажман носи голем ефект и навистина вреди да се подготви добра стратегија и да се вложува во креирање содржина.

Кое е твоето искуство на темава како корисник но и како претставник на компанија?

Доколку те интересира како препорака на темава може да ги погледнеш постовите на Драган за content marketing, тој на темава пишува веќе некое време.