Овој пост ќе биде малку различен од минатите, бидејќи нема да ви давам совети, нема да анализирам и нема да ви кажувам што е добро за вашиот бизнис на интернет. Во овој пост ќе делам малку новогодишно расположение. Зошто за една недела ни доаѓа и Нова Година, па оправдано ми е нели?

Причината за ова се појави пред четири дена, кога Нетокрација објави пост за тоа како Горан Пеуца, хрватски дизајнер, се инспирирал од празниците и им подари на твитерашите рачно фотошопирани аватари со божиќна капа. Идејата беше одлична и многу забавна, па ја ретвитав Нетокрација, со цел да споделам како се забавува хрватската твитерска заедница.

Што е уште позабавно, @indog, македонски дизајнер, одма се испирираше од тоа како се забавуваат хрватските твитераши, па предложи да се забавуваме и ние на сличен начин. И од тука се разви една долга дискусија, која заврши синоќа со конечен резултат.

Во прв момент, јас и @indog дискутиравме за некои драфт идеи како на пр. гиф во кој на сите аватари ќе им врне снег, нешто во стилот на Google’s Let it Snow (оваа идеја беше пресложена за брза изработка), или пак на сите аватари да им се монтира бела брада (оваа идеја беше соодветна само за аватари кои имаат лице). Нешто подоцна на @NotSocialMedia, на @drashmk и на @banekoma им се виде интересна идејата, па се вклучија во дискусија, а Бане богами и во работата. Го зеде аватарот на @darko156 и разви неколку идеи:

Кога веќе ги имавме првичните идеи, уште повеќе се загреавме за да се реализира овој мини проект, како што @Necovski го нарече. @banekoma и @indog со взаемна соработка и многу разменети твитови  (на крајот дискусијата ја префрливме на меил за да не го оптеретуваме тајмлајнот) и го средија последното решение на @indog, за да изгледа како што во моментов изгледа мојот аватар:

Истиот си го имам и на мојот Facebook профил. Сега ве повикувам сите твитераши и фејсбукаши да ги направите и вашите аватари и слики на профил како и мојата (доколку ви се допаѓа) и сите заедно да го споделиме новогодишното расположение.

Сликата е додадена на PicBadges, и се што треба да направите е да се логирате со вашите Twitter или Facebook сметки и да го додадете беџот на вашиот аватар.

За крај, сепак ќе го прекршам ветувањето во првата реченица и повторно ќе кажам еден мал совет до сопствениците на бизниси. Вакви мали, слатки идеи се добредојдени за онлајн заедницата и најчесто инстантно ги прифаќа. Добра креативна идеја во вистинско време може всушност да се реализира како фина мини кампања соодветна на актуелните случувања. Ваква едноставна идеја лесно може да резултира со успех.

Дополнување: Уште еден пример како Twitter заедницата лесно се организира за настани со некаква актуелна цел е настанот #елкамк чиј прв дел започнува денес во 12 часот и има вистинска, поголема цел. Сите детали можете да ги прочитате на Facebook.

П.С. @banekoma разви уште една идеја. Кој од вас го следи на Twitter веројатно веќе ја видел, за останатите ќе ја споделиме кога ќе ни дојде идеја како да ја употребиме :).

Еден куп пати ви имам напоменато дека без квалитетна содржина, скоро и џабе трошите пари на маркетинг. Содржината е онаа која ќе ве продаде. И за да не биде ова мое проповедење залудно, се појави уште едно истражување кое ќе го потврди она што го зборувам. Ако не ми верувате мене, еве верувајте им на светските експерти MarketingProfs и  Content Marketing Institute кои направија истражување за тоа како во бизнисите гледаат на содржината како средство за маркетинг кон други бизниси, од аспект на алоцирање буџет и трендови.

Најбитните заклучоци кои ги издвојувам во постов покажуваат кои се плановите на компаниите за 2012 во поглед на содржината, и колку се разликуваат нашите компании од оние кои секојдневно се бават со производство на квалитетна содржина. За илустрација, 9 од 10 испитаници во ова истражување ја сметаат квалитетната содржина како едно од најбитните средства при маркетингот на својот бизнис.

Колку вие сте подготвени да потршите четвртина од вашиот маркетинг буџет за производство на квалитетна содржина?

Според моето искуство, ова поле сеуште е во фаза на созревање и раст на нашиот пазар. Свеста за придобивките и употребата на содржината како моќно маркетинг средство е разбудена кај нашите компании, но подготвеноста да се инвестира во истата сеуште спие. Според податоците во истражувањето испитаниците издвојуваат 1/4 од својот буџет за маркетинг и го инвестираат во креирање на квалитетна содржина, што не сум сигурна дека за брзо ќе се случи и кај компаниите на нашиот пазар. Ако во истражувањето се прави споредба во тоа колку пораснала употребата на одредени алатки и форми за креирање на квалитетна содржина во споредба со минатата година, кај нас може да се мери дали минатата година воопшто постоела некаква употреба и дали се појавиле компании оваа година кои ја употребуваат содржината за квалитетен маркетинг.

Но ајде доста зборуваме за тоа колку ние ја употребуваме и искористуваме содржината и да се осврнеме на тоа како развиените компании го прават тоа. Она што најмногу ме радува е што константно расте употребата на отдредени алатки и техники за креирање и дистрибуирање на квалитетна содржина во светот. За илустрација бројот на компании кои имаат свои блогови, или го користат блогот како форма за дистрибуција на содржина пораснал за 27% во однос на истото вакво истражување направено минатата година. Еве како изгледаат резултатите за употреба на останатите форми за креирање и дистрибуција на содржината од страна на компаниите:

Останатите форми завземаат помалку од 30% од испитаниците, па не се вклучени во графикот.

Друга информација од истражувањето која треба да се спомене е дека малите компании во поголем процент експериментираат и ги користат различните облици на креирање и дистрибуција на содржина во споредба со големите компании. И она што е уште поинтересно се индустриите во кои компаниите најмногу ја користат содржината како средство за маркетинг на својот бизнис. Iнтересно е што маркетинг и адвертајзинг индустријата не е со најголем процент :)

Потоа се разгледувано посебно социјалните медиуми како канал за дистрибуција на содржина. Со задоволство можам да кажам дека на нашиот пазар конечно Твитер зеде залет и се користи масовно од индивидуалците. Бизнисите не се толку масовни во употребата, но ако се направи истражување и споредба со минатат година, сигурно ќе има голема процентуална разлика на подобро. А еве како се користат социјалните медиуми од маркетерите според направеното истражување:

Креирањето и диструбицијата на квалитетна содржина компаниите го прават за да ги постигнат своите поставени цели. Секоја компанија има свои различни цели кои сака да ги оствари преземајќи го чекорот на креирање содржина. Според испитаниците неколку цели преовладуваат кај најголемиот број на компании:

Како што и самиот наслов кажува, најголемиот број на компани веќе алоцираат четвртина од својот маректинг буџет за производство на квалитетна содржина и се спремни да ги зголемат своите инвестиции. Дури 60% од испитаниците одговориле дека сè повеќе ќе инвестираат во маркетинг преку содржина во следната година:

Она што е уште поинтересно, компаниите сè повеќе бараат помош од  надворешни компании кои професионално се занимаваат со креирањето на квалитетна содржина, во споредба со минатата година:

Нема повторно да ве убедувам колку квалитетна содржина е клучна за вашиот маркетинг. Истражувањето “B2B Content Marketing” содржи уште неколку интересни статистики и заклучоци кои вреди да ги видите.

Она што јас сакам да го видам е како вие ја користите квалитетната содржина за зголемување на вредноста на вашиот бизнис. Споделете ги вашите искуства со користењето на содржината како средство за маркетинг на вашиот бренд.

Далеку сме ние од реален муабет на оваа тема. Во МК каква-таква регулација на огласувачкиот простор има (ми се чини) само за ТВ. Колку таа се почитува и колку се санкционира е комплетно друг муабет, сега нити е место нити време. Муабетов го почнувам заради еден интересен (и пред се паметен) чекор на кој се реши британското еснафско здружение на интерактивни маркетинг агенции IAB UK.

Тие во обид за максимална заштита на корисниците, транспарентност и зголемување на кредибилитетот на медиумите и огласувачите воведоа едноставни правила (напатствија) со кои секоја платена промоција на социјалните медиуми мора јасно да биде означена.

Ако сакате подетално да ги разгледате напатствијата и примерите симнете PDF верзија.

IAB Македонија е во фаза на подготовка, а беше најавена и од претставникот на IAB Европа на воведната сесија на Webit. Улогата на оваа организација е токму таа, да го регулира, но пред се да го стимулира пазарот да се развива во позитивна насока, за на крајот сите да бидат среќни. Здравје боже, за година или две (оптимистички) се надевам дека и ние ќе ги дискутраме овие теми.

Патем, би сакал да го издвојам решението за спонзорирани твитови каде се вели:

A Twitter user is paid by a brand owner or marketing practitioner specifically to use Twitter to promote a brand, product or service. The brand owner or marketing practitioner should ensure that the Twitter user discloses the payment by including ‘#ad’ within their tweet.

И моментот дека спонзорирани објави од каков било тип не се дозволени на Facebook затоа што тоа ги нарушува правилата за користење на овој сервис.

A brand owner or marketing practitioner should not consider paying individuals to promote brands, products or services on the individuals’ pages or profiles on Facebook, even with disclosure, as doing so would contravene Facebook’s terms of service.

Via

Вчера Google конечно ги пушти новите страници за бизниси по долго најавување. Главната тема во постов не е насочена исклучиво кон новите страници, но на почетокот еве една интересна слика со 10 факти кои ги одбележуваат страниците:

Извор: HubSpot

Имајќи своја страница на Goggle+ како компанија и воопшто неговото користење за било каква активност и не е мала работа, земајќи го во предвид фактот дека Goggle+ веќе има 40 милиони корисници од јуни до сега.

Сo неговото појавување и со промените кои ги предизвикува континуирано, на многу начини влијае врз генерирањето посети на вашата страница преку пребарувачот на Google,  поради фактот што има огромно влијание врз позицијата на вашата страница при пребарување на Google и врз вашите шанси корисниците да кликнат токму на вашата страница.

Главните фактори за тоа како Google+ влијае врз пребарувањето на Google, HubSpot ги сумира во 5 точки во својата најнова електронска книга “Google+ за бизниси”:

1. Google+ ја подобрува интелегенцијата на Google 

Со појавувањето на Google+, на Google му станува многу полесно да анализира на кој начин луѓето споделуваат и комуницираат за заедничките интереси. Анализирајќи ја вашата активност на Google+, сега е во состојба да ви пласира резултати од вашите пребарувања кои се директно поврзани со вашите интереси и се многу порелевантни од порано. Не само што може да анализира што споделувате и кои се вашите интереси, туку врз основа на круговите на вашите пријатели, анализира со кои луѓе најчесто комуницирате и кои се најважните пријатели од вашите кругови. Така при вашето пребарување, прво ќе ги земе во предвид резултатите кои се поврзани со овие луѓе, бидејќи ќе знае дека ним најмногу им верувате и се потпирате на нивните совети.

2. Google+ го подобрува квалитетот на резултатите од пребарувањата

Google+ му ја олеснува работата на Google при идентификување на вистински профили или спамери. Профили кои се базираат исклучиво на споделување и фаворизирање на линкови од 1 страница, или профили на кои единствена активност е +1, тогаш може да станат сомнителни за Google и да бидат обележани како спамери. Исто така ако профилите следат профили кои се карактеризирани како спамери, исто така ризикуваат да бидат ставени во истиот кош. Активноста на ваквите профили нема да влијае врз резултатите од пребарувањата, при што значително се подобрува квалитетот на истите.

3. Google+ го изменува начинот на генерирање посети

Копчето +1 ја игра главната улога во оваа точка. Постои веднаш до резултатите од пребарувањата на Google, и секако може да се додаде на било која интернет страница. Копчето +1 во позадина се врзува со URL-то,

односно адресата на страницата, па при креирање или менување на истата бидете многу внимателни, бидејќи ќе го ресетирате бројот на +1. +1 има огромно влијание врз оценките за квалитетот на страницата при рангирањето на истата, и затоа е од исклучителна важност да се насочите кон стимулирање на активноста на истото. Страниците кои имаат додадено +1 копче, според HubSpot добиваат 3,5 пати повеќе посети од Google од оние кои немаат.

4. Google+ ја подобрува стапката на кликови

Копчето +1 има директно влијание врз одлуката на луѓето дали да кликнат на вашата страница или не. Уште пред да кликнат, тие во резултатите од пребарувањето имаат информација колку луѓе го кликнале +1 за вашата страница, што всушност им дава индикација колку е истата популарна. Со овие информации на посетителите сега им е поелсно да ги избегнуваат страниците кои не се популарни и да ги посетуваат оние кои всушност им се допаѓаат на останатите корисници.

5. “Direct Connect” или директно поврзување

Петтата точка се однесува на директната интеграција помеѓу новите Google+ страници наменети за бизнисите и резултатите од пребарувањето на Google. Со пуштањето на страниците во употреба, Google ја пушти и новата опција “Direct Connect”, која автоматски ги интегрира овие 2 работи.

Опцијата се рефлектира на пребарувањето на тој начин што им овозможува на корисниците кои пребаруваат страници на Google+ едноставно да ги пронајдат и на Google.com. За да ги прескокнат редовните резултати од пребарувањето, тие едноставно треба да го додадат знакот + пред името на фирмата/брендот кој што сакаат да го пронајдат.

Доколку веќе креиравте Google+ страница за вашиот бренд и сакате да го искористите овој начин на пребарување, прво мора да ја активирате  ”Direct Connect” опцијата, која се наоѓа на вашата Google+ страница. Со кликање на “connect your website” линкот, ќе бидете однесени на посебна страница за прилагодувања, каде со внесување на потребните информации и инсталирање на прикажаниот код на вашата страница,  ќе можете да ја активирате бараната опција. Сепак, со активацијата не сте ја завршиле целата работа. Google алгоритмите прават селекција за тоа кои страници ќе бидат вклучени, затоа погрижете се да ја промовирате вашата страница на повеќе начини и да си обезбедите поголеми шанси за вклучување.

Последниве промени на Google, ни даваат до знаење дека начинот на кој што се рангираат страниците во резултатите од пребарувањето воопшто не е ист како порано. Сега, уште повеќе од порано, корисниците имаат огромно влијание врз тоа како се рангираат нашите страници, преку своите активности на социјалните мрежи. Ако порано знаевме добро да се испотиме за да ја оптимизираме нашата страница користејќи ги сите посочени практики и совети, сега дополнително треба да се испотиме да им дадеме вредност на нашите посетители кои всушност стануваат клучната алка за успешноста на нашето присуство на Интернет. Навиките за пребарување се менуваат, исто како што се менува и начинот на рангирање, и сега е многу важно да не ги испуштаме од вид интересите на нашите корисници и да правиме се за да ги задоволиме. На крајот, корисниците се тие кои одредуваат колку вреди нашиот бренд.

Колку и да сакав да го одбегнам социјалниот момент на Google со +1 и Google+ (некако не ми привлече внимание), со оваа новост веќе е неизбежно да му се посветам. Како што најавија на официјалниот блог на Google, oд октомври, копчето +1 ќе го гледаме и на сите Google реклами во Google Display мрежата. Според статистиките, +1 досега го имплементирале повеќе од милион страници и има повеќе од милијарда имресии.

Ако ги отворите вашите AdWords сметки, повеќето од вас веќе ќе забележат дека при креирањето на нова кампања е додадена уште една секција која се нарекува Social Settings. Оние кои сеуште ја немаат оваа опција, до октомври ќе ја дочекаат секако.

Со ваквите опции Google покажува дека сериозно се занимава со социјализирање на вашите реклами, или подобро речено, им дава особена предност на корисниците да влијаат на вашиот CTR. Значи ако досега внимавате на добро избрани клучни зборови и содржина која ќе го предизвика корисникот да ја кликне вашата реклама, сега треба да се погрижите да го убедите корисникот дека сака да ја сподели таа реклама, односно да го кликне +1 копчето. Со кликање на копчето, сите негови пријатели ќе бидат всушност во можност индиректно да ја видат вашата реклами, независно од тоа какви клучни зборови сте одбрале да плаќате.

Значи ако досега тврдев дека содржината е крал, сеуште го тврдам тоа, но сега ќе додадам дека  корисникот се повеќе станува кралската круна за совршен резултат на вашите реклами.

Ако досега сте пропуштиле да се информирате како работи +1 на Google Search, AdWords Help свршено ви ги објаснува сите прашања кои можат да ви паднат на памет.

Она што останува да видиме е како ќе се развиваат понатаму Google AdWords Social Setting.  Иако сега +1 само индиректно влијае на Quality Score-от на рекламите преку CTR, очекувам дека мнгоу скоро ќе се случат промени и на ова поле. Исто така многу скоро очекувам да се имплементира ова влијание и на статистиките за успешноста на рекламите. Какви се вашите очекувања за можните позитивни или пак негативни влијанија на +1 врз PPC рекламите?

Пред околу 2 недели беше најавено дека Фејсбук тестира нова опција која ќе ни дозволи да ги следиме постовите на луѓето на нивните профили иако не сте ги додале како ваши пријатели.  Сте го забележале новото копче во горниот десен агол на профилите на вашите пријатели? Јас прв пат го забележав викендов и искрено ме фати неспремна. Не знам дали сите од вас го имаат, но и да не е така за некои време ќе се појави и кај вас.

Фејсбук го претстави своето “Subscribe” копче, како директен одговор на Гугл+ опцијата да се следат и објавуваат јавни постови, Досега веројатно за ваквата активност ги користевте Твитер и Гугл +. Она што е поважно претплатувањето на објавите на останатите Фејсбук корисници е ако на пример, некој Фејсбук корисник се преплати на вашите постови (статуси, слики, видеа и сл.) секоја ваша акција ќе му се појавува во нотификациите.

И за да е комплетна сликата, не ги забори ниту Гугл+ круговите, па додаде и нови листи на пријатели. Со подобрените паметни листи (како што Фејсбук ги нарекува), сега сте во можност да споделите релевантна содржина со избран круг на луѓе, уште полесно од претходно. Она што е уникатно во овие листи е што може автоматски да се ажурираат, врз основа на податоците кои ги имате вие и вашите пријатели внесени во вашето инфо. Врз основа на одредени параметри, како на приемр, работата, местото на живеење, образованието, податоци за семејни и останати врски, Фејсбук ги групира пријателите во различни групи. Вие можете рачно да додавате или бришете пријатели кои сметате дека не припагаат на одредени листи, а Фејсбук ги додал автоматски.

Она што е важно да се истакне е дека со новите опции Фејсбук ги заменува сите вредни функционалности што Гугл+ успеа да ги понуди на пазарот. А она што е интересно да се истакне дека овие опции им овозможуваат на корисниците подобро да ги заштитат своите постови, и истовремено подобро да ги споделат со корисниците кои не им се пријатели. Грижејќи се да ја подобри приватноста, Фејсбук овозможува и вашите постови да бидат јавно достапни за сите и послено пристапни.

Јас сеуште не можам да се привикнам на новите опции и ќе ми треба некое време да почнам квалитетно да ги користам, а да биде ситуацијата уште „полоша” Facebook најави уште промени. Какви се вашите размислувања за овие новини?

Читајќи нешто на темата за CRM (Customer Relationship Management), наидов на еден извештај кој годинава го правел IBM Institute for Business Value,  а се однесува на промената на односите помеѓу бизнисите и клиентите под влијание на нивните интеракции на социјалните медиуми. Неколку пати сме пишувале за влијанието на социјалните медиуми врз комуникацијата, репутацијата и целокупниот маркетинг на компаниите и во овој пост ќе начнам една многу интересна тема за различната перцепција на компаниите и корисниците на социјални медиуми.

Имено извештајот на ИБМ покажува длабок јаз помеѓу перцепцијата на бизнисите – зошто тие мислат дека луѓето се поврзуваат со нив на социјалните медиуми (СМ), и зошто луѓето всушност се поврзани со нив на социјалните медиуми:

Бизнисите се убедени дека попустите и намерата за купување се последните причини поради кои луѓето се поврзуваат со нив, а како што можеме да видиме во табелата, според ИБМ тие се топ 2 причини за интеракција.

Скоро сите бизниси ги гледаат социјалните медиуми како нов извор на приходи, но, во исто време, многумина веруваат дека добивањето на попусти или купони при купување на производи или услуги се меѓу најмалку важните причини заради кои клиентите ќе ги пребаруваат на социјалните медиуми. Иронично,  потрошувачите велат дека добивање материјална вредност е главната причина тие да комуницираат со една компанија, што е добра вест за оние организации кои се надеваат дека ќе заработат од активноста на социјалните медиуми.

Според горното објаснување, заклучуваме дека оние бизниси на кои главната цел им е да продаваат, и само да продаваат на социјалните медиуми се на вистинскиот пат?! Тие бизниси им го даваат на луѓето она што го сакаат?! Сите правила за интеракција, комуникација кои претходно ги зборувавме паѓаат во вода?!

ГРЕШКА!!! Вредноста на продавањето на социјалните медиуми, во отсуство на креирање на долгорочни врски со вашите контакти, може да ја помножите со нула.   Бизнисите имаат погрешна перцепција на продавањето како активност. Доколку оваа активност ја разгледаат од поширок агол, ќе разберат дека таа повеќе се однесува на управувањето на односите со клиентите – нудејќи им додадена вредност преку ексклузивни понуди, добро адаптирани на нивните интереси, а не дирекни реклами на својот бизнис и изнасилена понуда со единствена цел само да се купи нивниот производ.  Ако ги разгледате останатите причини поради кои луѓето се поврзуваат со брендовите на социјалните медиуми, ќе сфатите дека мора да креирате причина поради која тие ќе зборуваат добор за вашиот бизнис, ќе оставаат позитивни критики, ќе го оценуваат високо вашиот производ и ќе ги убедат своите контакти дека вреди да се поврзат со вас. Заради овие причини и нивните контакти ќе посакаат да го купат вашиот производ и да побараат ексклузивна понуда за себе.

Какво е вашето искуство? Заради која причина вие мислите дека луѓето се поврзуваат со брендовите на социјалните медиуми (разгледувајќи ги двете страни, вие како бизнис и вие како корисник)?

Ајде и јас конечно да се вратам од одмор и да му се придружам на Дарко во споделувањето новости и совети на блогов. А богами новости има.

Твитер ни го одзема вниманието овие неколку дена. По вчерашните новости за споделувањето на слики, денес Твитер повторно го ажурира својот сервис со нови функционалности. Во последните измени, претставени се 2 нови опции поврзани со активностите кои се случуваат во реално време и им помагаат на корисниците да откријат што точно се случува на Твитер, а е поврзано со нив и нивните следачи. За таа цел Твитер воведе 2 нови таба: @[username] и “Activity” таб.

@[username] табот го заменува “Mentions” табот и функционира како табла за лични известувања. Тука корисниците ќе можат да ги следат активностите поврзани со “Replies”, “Favorites” “Retweets”, односно да имаат нотификации кој им одговорил на твитовите, кој ги означил нивните твитови како омилени и кој ги ре-споделил нивните твитови. Воедно, на истото место ќе има и информација за новите следачи.

“Activity” табот ги собира истите информации како и @[Корисничкото име] табот, меѓутоа поврзани со луѓето кои ги следите.

Со последните новости, Твитер очигледно се труди да ги задржи корисниците на својот сервис и да ја намали употребата на Твитер клиентите. Веќе тоа има ефект кај некои корисници:

Која е бизнис вредноста на овие измени?

Твитер вистински го олеснува пребарувањето и истражувањето на активности, поврзувањето со луѓе со слични интереси,  откривањето на релевантни информации низ светот. Со “Activity” табот, Твитер всушност ве поттикнува да ги истражите вашите контакти и да им понудите содржина адекватна на нивните интереси. Сега ви е уште поблиска можноста да предизвикате релевантни дискусии и да ги поттикнете вашите контакти да активно да ги следат вашите активности.

Дали новите измени ќе ве натераат поактивно да го користите twitter.com? Колку мислите дека ќе ви помогнат во генерирање поквалитетни дискусии со вашите контакти? Дали веќе ви носи резултат нивното користење?

Веќе одмна (пред неколку години) стана јасно дека на поразвиените пазари настапи ера во која потрошувачот, или подобро речено корисникот е тој кој ја има главната улога. Зборуваме, нели, за корисник кој на неколку клика ги има достапни сите инфорации и препораки од своите блиски врз основа на кои ја носи одлуката дали да го купи производот А или Б. Споредбата на цените веќе се случува во реално време, искуството на останатите корисници исто така може да се најде или дознае за неколку секунди, или во најлош случај секунди.

Деновиве Forester Research објавија еден многу интересен блог пост во кој ги разгледуваат токму овие промени. Еве го графиконот кој ја прикажува еволуцијата на пазарите:

Велат, денес, во дигиталната ера конкуренцијата може да дојде од секаде. Компетитивните вредности по кои досега најчесто се вршеше анализа на конкуренцијата, денес вредат помалку.

Previous sources of dominance — manufacturing, distribution, even information mastery — are now just table stakes. This is the age of continuous disruption. Your relationship with customers is the only thing that enable you to survive that disruption (think of the movie industry as it continually embraces new formats). That’s why we are christening this “the Age of the Customer.” In our new report “Competitive Strategy In The Age Of The Customer,” we assert that companies must be more than customer focused, they must be customer obsessed. This is not just jargon, it has a real meaning:
A customer obsessed company focuses its strategy, its energy, and its budget on processes that enhance knowledge of an engagement with customers, and prioritizes these over maintaining traditional competitive barriers.

Може не верувате дека овој развој се случува и кај нас, но тоа е комплетно погрешен чекор. Секако дека не е до толку изразен, но еве како пример погледнте која идеја победи на неодмнешниот Stratup Weekend, или погледнте кои сервиси се најголем хит, па потоа заклучете дали вашите корисници о голема мера се разликуваат од оние на поразвиените пазари. Секако, прашање на време е кога овој одност ќе ја направи клучната промена во донсеувањето на одлуките и на нашиот пазар. А тогаш, верувам дека веќе треба вашата компанија и вашите услуги да бидат во близок, искрен и транспарентен одност со вашите корисници. Зошто се друго веќе ќе значи дека доцните.

За крај, еве ги сумирани пораките од Forester во видео, а целиот пост може да го прочитате на: Welcome to the Age of the Customer. Invest accordingly.

Фејсбук не застанува со подобрување на неговите функционалностите. Во последниот бран од промени што ги донесе се опфатени рекламите и спонзорираните стории.

Кои се новите параметри за полесен преглед на резултатите и влијанието на вашите реклами и спонзорирани стории?

Како дел од промените во менаџирањето на рекламите и спонзорираните стории, Фејсбук додава уште еден параметар кој мери колкав домет имало вашето рекламирање. Со параметрот “Social Reach”, сега ќе имате информации колкав број на луѓе, заедно со нивните пријатели, ги виделе вашите реклами или спонсорирани стории. Дополнителен параметар е “Frequency” кој ве информира колку пати во просек еден корисник ја видел вашата реклама или спонзорирана сторија. За повеќе информации и преглед на промените можете да го преземете краткиот Фејсбук водич.

Награди за луѓето кои ги гледаат рекламите

На почетокот на месецов Фејсбук презентираше програма која го олеснува патот до досег на повеќе публика за рекламите. Тие ги поттикнуваат луѓето за преглед на рекламите со финансиски награди. За преглед на одредени реклами, Фејсбук го надополнува кредитот на корисниците со 10 центи повеќе, кои можат да се искористат за купување на производи или услуги достапни на Фејсбук. Ова е уште по примамливо по проширувањето на производи кои можат да се купат со Фејсбук кредитите. Одбраните реклами најчесто се сретнуваат во Фејсбук игрите. Меѓу првите компании кои ги сервираат одбраните реклами во своите игри се: CrowdStar, Digital Chocolate и Zynga. Фејсбук е во преговори и со други компании и работи на случајот за проширување на оваа програма. За Фејсбук оваа програма е одлична можност за зголемување на процентот на кликови, кој во просек е многу мал и се движи околу 0.051% според Webtrends. Очекуваме дека програмата ќе се развие на светско ниво, па некои од нас ќе бидат дел од добитниците на 10 центи :) или некои наши бизниси ќе се вклучат во листата на компании.

Source: http://mashable.com/2011/05/06/facebookfacebook-10-cents-ads/

Спонзорираните стории – одличен начин за зголемување на изложеноста на вашиот бизнис

Фејсбук нуди 7 различни типови на спонзорирани стории кои ја зголемуваат дистрибуцијата на новости за вашиот бизнис. На блогов не сме пишувале за спонзорираните стории, па во оваа прилика ќе ги објаснам накратко:

1. “Page like story” – Кога некој ќе кликне “Ми се допаѓа” на вашата страница на Фејсбук, неговите пријатели ќе гледаат сторија за неговата активност;

2. “Page post story” – кога ќе постирате новост на вашата страница на Фејсбук, фановите на вашата страница ќе гледаат сторија за вашата активност.

3. “Page post like story” – Кога вашите фанови ќе кликнат “Ми се допаѓа” на вашата постирана новост, нивните пријатели ќе гледаат сторија за ваквата нивна активност.

4. “Check-in story” -Кога корисниците ќе се чекираат преку Facebook Places на локацијата на вашиот бизнис,  нивните пријатели ќе гледаат сторија за ваквата нивна активност.

5. “App used & game played story” – Кога корисниците ја користат вашата апликација, или ја играат вашата игра на Фејсбук, нивните пријатели ќе гледаат сторија за ваквата нивна активност.

6. “App share story” – Кога корисниците ќе споделат новост на нивниот профил преку вашата апликација, нивните пријатели ќе гледаат сторија за ваквата нивна активност.

7. “Domain story” – Кога на корисниците им се допаѓа или споделуваат новост на вашата Интернет страница, нивните пријатели ќе гледаат сторија за ваквата нивна активност.

Source: http://facebook.com.ua/2011/04/

Подетално за спонзорираните стории можете да прочитате во дедицираниот водич на Фејсбук.

Очекувам дека Фејсбук ќе продолжи да не изненадува со истата динамика како досега. Секој месец има по некоја новост, а во последните месеци и неколку крупни новости. На нас останува да видиме што ќе биде следно, а на вас останува да ги споделите вашите искуства со користењето на горенаведените параметри и промени. На пример, досега никој не споделил искуство за ефективноста на спонзорираните стории, па ги повикувам сите оние кои досега ги користеле да ја раскажат својата приказна и задоволство од резултатите.