Ги симнав, ме бендисаа, го прочитав неговиот пост: The Graphs 2 и решив да го искомуницирам и да му поставам неколку прашања кои може да им бидат од корист на различни компании и индивидуалци при изнаоѓање начин за (скоро) бесплатна промоција.

Збор-два за мотивацијата?

Кога ја добив идејата за првото издание на „The Graphs”, целта ми беше да изработам колекција на бесплатни и слободни, широко применливи графици со професионален изглед. Сакав колекција од различни типови на графици. Сакав графици што ќе прикажуваат генерални состојби: пораст, пад, 50 – 50 итн.

Сакав да направам графици што ќе бидат корисни и ќе им бидат од помош на луѓето на кои им се потребни. Мислам дека најголемиот мотив ми беше да делувам во глобални рамки.

Забележав дека на Интернет тешко се наоѓаат слики од графици што може слободно да се употребуваат. Во тој период интензивно ги истражував можностите што ги нуди V-Ray, па почнав да експериментирам создавајќи неколку едноставни фото-реалистични модели во 3ds Max. Најпрво изработив 6 едноставни линиски графици, а подоцна во договор со Smashing Magazine, ја проширив колекцијата со уште 12 дополнителни графици, за конечно да издадам сет од вкупно 18 графици.

По речиси две години, земајќи ги во предвид забелешките од заедницата, ја издадов втората верзија од „The Graphs” со драстично зголемување на бројот на достапните графици (169) и со нагласена флексибилност при изработката. За да овозможам непречено преземање на изданието, решив да изработам и посебна веб-страница. Втората верзија од графиците е исто така издадена под Creative Commons лиценца.

Колку треба да се познава пазарот за да се постигне успех?

Познавањето на пазарот има пресудна улога при создавањето на успешен производ. Затоа и сметам дека е неопходно да се истражува, пред да се започне со изработката.

• Зошто се изработува производот?
• За кого е наменет производот?
• Дали станува збор за комерцијален производ?
• Ако производот е комерцијален, на кој начин ќе се дистрибуира?
• Дали постојат слични производи на пазарот?
• Кои се недостатоците на конкурентските производи?
• На кој начин ќе се употребува производот?

Не мислам дека постои некоја специјална формула за создавање на успешен производ, но сметам дека начинот на презентација на финалниот производ има одлучувачка улога за неговиот успех.

Поголеми шанси за успех речиси секогаш имаат производите што се иновативни. Иновативноста може да произлезе и од квалитетот на производот, така што сметам дека не секогаш е потребно да се понуди нешто „невидено“. Најчесто е сосем доволно да се понуди квалитетна изработка на добро познат тип на производ.

Колкаво враќање на инвестицијата може да се очекува на подолг или пократок рок?

Издавањето на бесплатни производи на Интернет е одличен начин за лична промоција, без многу формалности. Неверојатно е за колку кратко време, на светот можете му покажете дека постоите и создавате. Ако изработите привлечно издание, со сигурност можете да се потпрете на социјалните медиуми и во однос на промоцијата на вашето издание, да имате големи очекувања од нив.

Со инвестирање во личната промоција директно делувате кон привлекување на клиенти од засегнатите области. Ако покажете талент, клиентите самите ќе сакаат да земат дел од креативноста, применувајќи ја во својство на нивните производи. Мислам дека тоа е една од најголемите придобивки од издавањето на бесплатни производи на Интернет.

За крај малку статистика

• Преземања на првите 6 графици: 768 пати
• Преземања на прва верзија од „The Graphs“: над 13.600 пати
• Уникатни посети на официјалната веб-страница на „The Graphs 2” (19 – 29 јуни, 2010): над 8.950
• Преземања на втората верзија од „The Graphs“ (19 – 29 јуни, 2010): 3.080 пати
• Преземања од 120 земји во светот. Најголем број на преземања од САД, Велика Британија, Германија, Македонија, Франција, Јапонија и Канада.
• Зачувувања на Delicious (19 – 29 јуни, 2010): 231
• Ретвирања (19 – 29 јуни, 2010): 144

Гоце може да го следите на Twitter или да го читате на неговиот блог. Јас само сакам да му се заблагодарам за одговорите.

Се разбира доколку имате сличен пример крано препорачливо е да го споделите искуството во коментарите.

Со експанзијата на Facebook и секако далеку поголемиот број на интернет корисници во Македонија, неопходни беа и адаптации во овој поглед. Деновиве наидов на една реклама за наградна игра која ме потсети дека не ќе е лошо да пишам пост на темава. Па еве преку неколку локални примери да разгледаме неколку модели за спроведување наградни игри во кои е вклучен и интернетот.

1. Facebook страница и фамозното кликање Like!

Серија истражувања низ светот покажуваат дека над 20% од корисниците нa Facebook следат (стануваат фанови, а од скоро лајкаат) брендови за да добијат или бидат информирани за разни промоции, попусти и, се разбира, награди. Нема локални истражувања на оваа тема, но верувам дека и локалните корисници не се разликуваат многу. Од локалните брендови наградни игри на Facebook, меѓу другите, имаат T-Mobile, Nescafe, T-Home. Но и брендови со далеку поскромни буџети ги користат овие канали.

Кампањата на новиот бренд на Fructal, QL е една од тие кои докажуват дека не мора да станува збор за голем бренд и дека со помал број фанови сепак може да се обезбеди активност од своите фанови и да се доделат привлечни награди. Со нешто поголем број фанови од време на време награди се делат и на страницата на магазинот за понежниот пол Unique

2. Испрати го кодот преку нашата интернет страница

Пелистерка пријатно ме изненади со оваа опција која во рамките на својата актуелна наградна игра им ја нуди на своите корисници. На нивната веб страница има форма преку која, наместо преку смс, може да го испратите кодот за наградната игра. Немам код па затоа и не сум ја пробал дали функционира, ако некој проба нека сподели искуство. Покрај позитивната рaбoта што се одлучиле на ваква (условно речено поевтина опција) мора да им се забележи на организаторите дека формата за пополнување е предолга и бара премногу детали кои ни од далеку не ги пријавувате кога би го испратиле истиот код преку смс. И уште нешто, формата е длабоко закопана, да не речам скриена во подменијата на нивниот сајт. Информацијата за оваа можност е наведена и на ТВ рекламата, па далеку подобро би било доколку до формата има линк директно на нивната насловна страница.

3. Објави твит, добиј награда

Бројот на локални корисници на Twitter е доволно голем за да може да се спроведе наградна игра од помал обем и тука. Пред неколку месеци ние за 7 минути преку овој сервис поделивме 10 маички по повод 5 години комуникации.нет. Во моментов не ми текнува друг сличен пример, но верувам дека ги има или наскоро ќе ги има.

Знам дека има уште доста примери на оваа тема, но за оваа потреба доволно е и ова. Целта ми е да ја отворам темава. А на темава задолжително мора да се спомне и веб страницата посветена на наградните игри: Сите наградни игри во Македонија.

Коментарите се отворени ако знаете некоја интересна наградна игра која вклучува и можност да се биде дел од неа на интернет, бујрум.

Links are the currency of the web and traffic is money so these are important trends for our portfolio companies and for everyone who does business on the web.” – Fred Wilson

Една од клучните предности на интернет маркетингот секако е можноста за следење на интеракцијата во живо. Постојат голем број алатки кои нудат разни податоци за активностите кои ги преземаат вашите посетители со вашата содржина. Со експлозијата на социјалните мрежи и доминантната улога која тие сега ја имаат во поглед на канали за промоција и дистрибуција на содржина, следењето на интеракциите беше ставено пред нов предзвик.

Колачињата кои досега беа главни веќе не можат да ги прикажат сите детали кои им се потребни на маркетинг специјалистите. И како што веќе напоменав и во самиот наслов но и во првиот цитат, (неговото височество) линкот добива се поголема улога и побогати функции. Во продолжение само 3 алатки кои може да се најдат секому во следната кампања.

URL Builder

Google нуди алатка со која можете да го збогатите вашиот линк со дополнителни информации за медиумот преку кој планирате да го споделите, кампањата, клучните зборови и сл. Целта е подоцна при анализaта на посетеност во Google Analytics да можете да разграничите точно од која кампања слетале посетителите на вашиот сајт и секако што тие правеле таму.

ClickMeter

Станува збор за релативно нова алатка која токму врз основа на потребата од следење на линкови во кампањи нуди широка палета на податоци кои во живо ги прикажува за вашиот линк. Еве само дел од опциите кои ги нуди: Unlimited tracking-links, No expiration for tracking-links, Click-fraud detection, Click distribution on world map, Cumulative tracking-links analysis with a single account, Short URL redirection trough our featured short domain 9nl.com, Link tagging(customizable URL for search engine optimization), Social media measurement

Bit.ly

Овој сервис се наметна како најквалитетен благодарение на раното препознавање на важноста на линк економијата на најпопуларниот микроблогинг сервис Twitter. Отвореното API и големата листа на алатки овозможува употреба на овој севис во рамките на вашиот прелистувач, апликација или директно на самиот сајт. Не нуди богатство на информации како ClickMeter но сепак и тоа што го нуди не е за потценување.

Насловот на постов е директно позајмен од насловот на презентацијата на Jonathan Strauss од Awe.sm сервис кој професионално нуди услуги токму на тема скратување и следење на линкови. Презентацијата еве ја подолу. Задолжително искликај ја и не заборавај следниот пат кога ќе правиш кампања да ставиш линк кој со кој ќе може попрецизно да го утврдиш успехот на истата.

Вака на прв поглед, изгледа многу едноставно. Ајде да направиме еден краток преглед, иако луѓето сè добро си објасниле во нивниот прирачник за корисници:

• Во левото мени се појавува уште еден таб “Tracking”:

• Во овој таб имате можност да креирате нов таг за следење, или да генерирате извештај за веќе постоечките тагови:

• По избирањето на опцијата да генерирате нови тагови за следење, треба да пополните неколку едноставни информации како: име на тагот што ќе следите, категорија која го дефинира вашиот код и вредност на конверзијата (незадолжителна опција која означува колку вредност конверзија од Facebook носи за вашиот бизнис):

• По дефинирањето на горенаведените опции добивате еден едноставен код кој треба да го внесете на вашата целна страница пред </body> тагот.  Вашата целна страница се дефинира според тоа што сакате да постигнете со имањето на Интернет страница (пр. зачленување за новости, регистрации за користење услуга, оставарување контакти и сл.). По страниците каде луѓето можат да ги внесат нивните податоци, обично имате страница за благодарност на која треба да го ставите овој код. Имено, кодот може да се внесе на било која страница на која вие сакате да следите некаква активност:

• По внесувањето на овој код, Facebook е спремен да ги следи вашите конверзии и да вади извештај според ваша желба:

Доколку веќе сте добиле покана да бидете дел од бета тестирањето, ајде сите заедно да тестираме и да видиме каква работа завршил Facebook и дали станува уште посериозен играч во полето на Интернет огласувањето.

Како петти најкористен друштвен медиум, LinkedIn заслужува еден ваков пост кој ќе ви помогне успешно да го менаџирате вашето присуство таму.

Прво и основно мора да сфатите дека ова не е Facebook. Внимавајте на кого ќе му дозволите да биде дел од вашата мрежа на контакти, а воедно и вие да бидете во неговата. LinkedIn ви овозможува дополнителна можност за создавање клиенти, но примарната цел овде не е продажбата, туку остварување вредни контакти. LinkedIn се базира на максимална доверба. Најверојатно е и најпозната платформа која што е базирана на доверба.

Е кога веќе сфативме дека LinkedIn е многу посериозна платформа каде што професионалците ги шират своите мрежи на контакти, можеме да продолжиме понатаму со неколку корисни факти коишто го карактеризираат овој медиум:

1. Основното што мора да го направите е да го исполните вашиот профил:
   • Внимавајте како ќе ја дефинирате вашата професија, бидејќи покрај вашето име тоа е првото нешто што го забележуваат посетителите вашиот профил. Освен вашиот работен назив, можеби би сакале да додате и неколку главни карактеристики што ве дефинираат вас како професионалец;
   • Слика – задолжително! Во никој случај не смеете да имате несериозна слика (некоја од вас со друштвото или сл.). Повторно, ова не е Facebook, овие луѓе на прво место се ваши професионални контакти, а не пријатели;
   • Внимателно дефинирајте што ќе напишете во кусиот преглед за вашата професија. Ова секако мора да се однесува на вашите главни карактеристики и работни обврски. Размислувајте што некој би сакал да прочита доколку сака да соработува со вас или да ве ангажира како професионалец;
   • Наведете информација за контакт. Олеснете им на вашите контакти да ве пронајдат доколку имаат било каква понуда за вас;
   • Соберете препораки, но не од секого, туку од луѓето на коишто вашите клиенти би им верувале. Не барајте од непознати да ви напишат препорака. Тоа би изгледало како чиста измама;
2. Запомнете: можноста да контактирате луѓе не е ваше право, туку дозвола од нивна страна. Не ја упропастувајте со праќање сувопарни промоции се со цел да продадете;
3. Не праќајте анонимни мејлови, барајќи од луѓето да ви пратат покана;
4. Ако прифаќате премногу контакти, вашиот профил станува премногу актуелен и мамка за спам;
5. Станете познати со активно учество и без спам, вклучувајќи се во дискусии, постирајќи вредни новости и сл. Луѓето ќе го ценат знаењето и вредноста која што ја придавате во нивната мрежа;
6. Искоритете ги препораките, маркетинг материјали, интернет страница, блог…Ќе влеете доверба кај идните клиенти;
7. Не барајте од луѓето кои се занимаваат со работа конкурентска на вашата да ве претстават пред нивните клиенти. Тоа е глупаво;
8. Повеќето највлијателни директори се таму. Однесувајте се со нив исто како што би се однесувале во физичкиот свет, за да можете да остварите некој бенефит;
9. Приклучете се на групи само според вашиот интерес; помалку спам – повеќе вредни информации;
10. Како да добиете повеќе членови во вашата група? Едноставно прашајте: пратете мејл и линк со учтива покана. Повеќето од нив ќе прифатат и ќе бидат почестени.

Листава без сомневање може да стигне до 101. За препораки и совети за користење на LinkedIn се пишува на големо. Споделете се’ што сте читале или што ќе ви падне на ум за поефикасно и професионално користење на оваа вредна платформа.

Деталите на примерот:

- реклама поставена на Facebook, која води до интернет страницата на компанијата која се рекламира. Еве ислустрација. Станува збор за извесна фирма Axis која рекламира обука.

Сајтот на Axis.com.mk и нивниот оглас на Facebook

1. Линкот на огласот треба да води до конкретната понуда

Бидете сигурни, оној/онаа што ќе кликне на огласот веќе покажал/а иницијален интерес. Мора да го дочекате со содржина која ќе соодветсвува со пораката која го донела таму. Покажете дека е на вистинското место и дека токму тоа што го бара, вие го нудите. Во ниту еден случај не го носете посетителот на насловна страна, каде меѓу другото се наоѓа и она за што дошол. Патем, ниту еден посетител нема од прва да види реклама на Facebook и да сврти одма на телефон за да дознае повеќе за понудата. Секогаш прво ќе кликне. Каков впечаток ќе добие понатаму и што ќе прави….

2. На својата страница понудете повеќе инфорамации од самиот оглас

Една од причините зошто е добро огласувањето на интернет е токму (условно речено) неограничениот простор кој може да си го дозволите на својот сајт.  Токму затоа самиот оглас треба да биде интересен, провокативен да го натера корисникот да кликне за потоа на „свој терен” да му „продадете” се што сакате :). Во спротивно, доколку на рекламата некоја информација е појасна и подостапна отколку на самиот сајт, посетителот ќе треба да чека повторно да му е појави истата на Facebook.

3. Користете кирилица

Нема потреба да се појаснува зошто. Македонски се пишува на кирилица, толку.  Ако ова не е доволно… еве уште една причина: на Facebook секој клик се менуваат голем број оласи од страна, локалните се издвојуваат и по кириличното писмо. Затоа ако сакате да ви биде позабележлив огласот покрај забележлива но не премногу драстично невообичаена слика (како за FB) користете и кирилица.

• Дали сакате да се поврзете со пријатели и роднини?
• Дали сакате да споделите важни информации и новини со вашите клиенти?
• Дали сакате да привлечете нови клиенти и да им објасните зошто тие би требало да го користат вашиот производ или услуга?

Јасно е дека доколку целта ви е да контактирате со пријателите и роднините воопшто не ви ни треба професионален профил. Но, доколку вашата цел е некоја слична на останатите две, тогаш би требало да знаете неколку основни чекори кои ќе ви помогнат да го менаџирате вашето присуство на Twitter:

1. Уникатен дизајн. Аплицирајте уникатна позадина на вашиот профил. Дифолтната ја користат премногу индивидуалци и бизниси, па нема ништо оригинално во тоа. Има повеќе алатки кои ќе ви помогнат во креирањето на ваша позадина, а притоа се бесплатни, како на пример Twitbacks.

2.  Лични информации за контакт. На тој начин ќе им овозможите на оние кои ве следат на Twitter да ги поврзат вашите твитови со реален човек. Ова им нуди многу повеќе персонализација и им влева доверба. Луѓето сакаат да знаат дека позади брендот постои реален човек, сакаат да го запознаат тој човек и да се потпрат на него за сите проблеми и совети во врска со брендот. На тој начин и вашата поддршка на вашите клиенти е многу полична.

3.  Професионални твитови. Луѓето ве следат со причина. Дали причината е нови понуди или промени во вашите производи и услуги, тие ве следат токму заради тоа. Еднаш кога ќе одлучите да ја промените темата на комуникација, вие ризикувате да ги изгубите. Затоа секогаш пред да постирате некој твит запрашајте се зошто луѓето ве следат и дали содржината на твитот е она што тие очекуваат да го прочитаат. Ако одговорот на овие прашања е не, тогаш воопшто не го постирајте тој твит.

4. Зачестеност на твитање. Твитајте редовно. Луѓето кои ве следат очекуваат редовни информации за вашиот бренд. Но внимавајте да не претерате. Доколку постирате 20 твита наеднаш очекувајте дека дел од луѓето нема да ве следат повеќе. Никој не сака да го пренатрупате со информации и да го спамирате. Доволни се неколку твита дневно за на професионален и уреден начин да им ги пренесете информациите на луѓето.

5. Луѓе кои ги следите. Најлесен и најприменуван начин за што повеќе луѓе да ве следат, е вие да следите еден куп луѓе. Но, тоа не е правилниот начин, затоа што нема да ви ги донесе очекуваните резултати од вашето присуство на Twitter. Следете само луѓето чии твитови се од ваш интерес и кои можат да придонесат вредност за вашиот бренд. Доколку некој кој не ве следи го посети вашиот профил и види дека вие следите 3000 луќе а ве следат 300, нормално е да помисли дека немате доволно вредна содржина на вашиот профил и да се одлучи да не ве следи. Доколку ситуацијата е обратна, 300 луќе следите, 3000 ве следат, овие 3000 многу лесно се зголемуваат се повеќе. Но сепак, мора да се трудите да бидете што поинтересни за да ги придобиете луѓето да ве следат.

Овие чекори ќе ви помогнат да ја поставите основата за професионално водење на Twitter профилот. Се надевам дека секој оној кој што поседува профил на Twitter, веќе на памет ги знае и применува. Но тука не завршува работата. Секој има свои тајни на успех за водење на профилот. Па ве повикувам сите да ги споделите вашите!

]]> http://emarketing.komunikacii.net/profesionalen-twitter-profil/feed/ 1 http://emarketing.komunikacii.net/promeni-facebook-fun-pages/ http://emarketing.komunikacii.net/promeni-facebook-fun-pages/#comments Sat, 26 Dec 2009 15:18:44 +0000 Наталија Трајчевска http://emarketing.komunikacii.net/?p=394 Имате Facebook Page за вашата компанија или бренд? Почнете да се подготвувате за значителни промени. Facebook најави неколку нови правила за функционирање на овие страници, кои ќе мора да почнат да се применуваат многу скоро (се шпекулира дека тоа е веќе следниот месец).

Во што е штосот? Сите оние коишто малку повеќе се позанимавале со своите страници и ги менаџираат попрофесионално од додавање само на статус, линк и слики, ќе мора да се придржуваат кон одредени правила:

1. “Boxes” /”Application” табови. Што значи ова? Сите вие кои користите “Boxes” (се појавуваат лево на fan страницата или во еден од табовите), спремете се за нивно исчезнување. Тие веќе нема да постојат и целата содржина која што ја имате во нив ќе исчезне. Она што може да направите е да се фокусирате на “Applications” (се појавуваат десно на страницата или во еден од табовите). Сите промоции, настани, видеа, купони или било каква друга адаптирана содржина сега ќе може да додавате само преку “Applications”.

“Boxes”



“Applications”



2. Ограничување на ширината. Досегашните дозволени 760 пиксели, сега се ограничуваат на 520 пиксели, заради најавениот нов дизајн на личните профили од страна на Facebook. Ова ќе ги принуди сите сопственици на Facebook Fan Page, кои што користат “Applications” и имаат свој дизајн на овие табови, да ги редизајнираат  и да ги адаптираат на новата дозволена ширина. Дури и Facebook ќе мора да го редизајнира сопствениот Fan Page :).
3. Fan Page содржината во News Feed на фановите. Е ова веќе сите ги боли, знам. За да се појави содржината од вашата страница во News Feed на вашите фанови, прво ќе мора да го заслужите тоа. Ова веќе нема да биде право на сопствениците на страници, туку привилегија. Се зависи од тоа колку вашата страница е атрактивна за фановите, колку често тие ја посетуваат и колку многу се вклучуваат во дискусии, коментираат или постираат на вашата страница. Според свој алгоритам, Facebook ќе одлучи колку вие сте заслужиле содржината на вашата страница да се појави во News Feed на вашите фанови.
4. Собирање e-mail адреси од фановите. Ова мислам дека на сите ќе им се допадне по горенаведените ограничувања кои Facebook ги воведува. Сопствениците на Facebook страници ќе бидат во можност со 1 клик да собираат e-mail адреси од своите фановите користејќи ново e-mail API од Facebook.

Овие промени со сигурност ќе го променат начинот на кој брендовите се промовираат на Facebook, но нема да ја намалат ефективноста на промоцијата. Брендовите сеуште ќе бидат во можност да бидат присутни на Facebook и да ги собираат бенефитите од најголемата двонасочна комуникациска платформа во светот, можеби и на дури поефективен начин од сега. Овие промени секако ќе ве принудат да посветите уште повеќе внимание на вашите страници, со цел да ги направите поефективни и поатрактивни за вашите фанови. Па, засукајте ракави и почнете со подготовки за промените.

Имено, од денес одржување на Twitter профил станува официјална работна позиција со полно работно време. Сето ова го поттикна Pizza Hut, откако после 1 месец на девојката која што го одржува нивниот профил на Twitter и понуди работа со полно работно време како Твитологист.

Што е уште поинтересно Pizza Hut се обрати на Twitter корисниците за помош околу дефинирање на официјалниот назив на ова работно место. Сето тоа го изведе како натпревар кој траеше од 21 октомври до 30 ноември. За сето ова време се пишуваа предлози под тагот #pizzahuttitle и победничкиот предлог на @MissKateGordon и донесе  бесплатна пица за цела година :).

Pizza Hut објави дека имало повеќе од 200 предлози меѓу кои како најкреативни, освен победничкиот нели, ги вбројува следниве: “Sultan of Sauce”, “Twitteroni”, “Champion of Cheese”, “Tweetza Chef”, “Tweety Pie”, “C Tweet O”, “Personal Pan Tweetza” и “Social Media Delivery Driver”.

Освен важноста на новата работна позиција, тука би сакала да ја истакнам и важноста на целата идеја и кампања спроведена од Pizza Hut. Само за илустрација, тие имаат 22,897 “читатели” во моментов. Како што можете да забележите редовно твитаат и најголем број од нивните твитови се поддршка на нивните корисници/потрошувачи. Само за овој напревар се напишаа повеќе статии и се популаризираше неговата важност и пред се креативност.

Ако ја видите и нивната страница на Facebook, ќе забележите дека и тука не штедат воопшто време и внимание да го изведат тоа како што треба.

Ова е само еден од примерите како да ги искористите бесплатните алатки за промоција на вашиот бизнис. Имајте креативни идеи коишто ќе им се допаднат на вашите читатели и изберете го начинот преку кој ќе ги пренесете идеите до нив. Нема да ве чини пари, а ќе има резултати и најважно од се ќе ви биде забавно.

Нам ни останува да се надеваме дека ќе се отворораат се повеќе вакви работни места и дека ќе има професионални Твитологисти и во Македонија :). Па кој не би сакал да го работи тоа?

Во описот на категоријата велиме: Подобра видливост и публицитет на и преку друштвените медиуми.

Еве ја мојата микс дефиниција која настана како резултат на 3 други:

„Оптимизација за социјални медиуми“ претставува процес при кој се имплементираат низа промени на дадена веб-страница и се гради присуство на социјални сервиси, онлајн заедници и други интернет страници користејќи различни методи и алатки. Целта е содржината да се направи полесна за споделување, за редистрибуција и повидлива при пребарување на социјалните сервиси, наменските пребарувачи и стандардните интернет пребарувачи.

Додека не биде готов целиот докуемент еве неколку слајдови од моето предавање како составен дел од курсот за Социјални медиуми на Њујорк Универзитет Скопје.

Ако те интересира повеќе на темава, ова е линкот од кој треба да почнеш да читаш: 5 Rules of Social Media Optimization (SMO)